Reseidiń Riazan oblysynda "Orion" ushqyshsyz áskeri ushý apparaty qulady. TASS agenttiginiń habarlaýynsha, áskeri dron Listvianka eldi mekenindegi kóp qabatty turǵyn úilerdiń mańyna qulaǵan. Máskeý aýdanaralyq basqarma ókiliniń aitýynsha, synaqtan ótip jatqan áskeri dron tehnikalyq aqaý sebebinen qulaǵan.
Riazan oblysynyń basshysy jýrnalisterge apparattyń turǵyn úi mańynan 70 metr jerge qulaǵanyn, eshkim zardap shekpegenin aitty.
TASS agenttiginiń jazýynsha, "Orion" áskeri apparatynyń salmaǵy - bir tonna, bortyna 200 kilogramm júk tiei alady. 7,5 shaqyrym biiktikte usha alady, áýede 24 saǵat qalqyp tura alady.
"Kronshtadt" firmasynyń bas konstrýktorynyń aitýynsha, "Orion" qorytyndy synaqtan ótip jatyr jáne qorǵanys ministrligi jyl sońyna deiin osyndai bir apparatty alýy tiis.
