رەسەيدٸڭ ريازان وبلىسىندا "وريون" ۇشقىشسىز ەسكەري ۇشۋ اپپاراتى قۇلادى. تاسس اگەنتتٸگٸنٸڭ حابارلاۋىنشا, ەسكەري درون ليستۆيانكا ەلدٸ مەكەنٸندەگٸ كٶپ قاباتتى تۇرعىن ٷيلەردٸڭ ماڭىنا قۇلاعان. مەسكەۋ اۋدانارالىق باسقارما ٶكٸلٸنٸڭ ايتۋىنشا, سىناقتان ٶتٸپ جاتقان ەسكەري درون تەحنيكالىق اقاۋ سەبەبٸنەن قۇلاعان.
ريازان وبلىسىنىڭ باسشىسى جۋرناليستەرگە اپپاراتتىڭ تۇرعىن ٷي ماڭىنان 70 مەتر جەرگە قۇلاعانىن, ەشكٸم زارداپ شەكپەگەنٸن ايتتى.
تاسس اگەنتتٸگٸنٸڭ جازۋىنشا, "وريون" ەسكەري اپپاراتىنىڭ سالماعى - بٸر توننا, بورتىنا 200 كيلوگرامم جٷك تيەي الادى. 7,5 شاقىرىم بيٸكتٸكتە ۇشا الادى, ەۋەدە 24 ساعات قالقىپ تۇرا الادى.
"كرونشتادت" فيرماسىنىڭ باس كونسترۋكتورىنىڭ ايتۋىنشا, "وريون" قورىتىندى سىناقتان ٶتٸپ جاتىر جەنە قورعانىس مينيسترلٸگٸ جىل سوڭىنا دەيٸن وسىنداي بٸر اپپاراتتى الۋى تيٸس.
