Foto: Órken Joiamergen
Til janashyry, qoǵam belsendisi Rýza Beisenbaitegi psihikalyq naýqastardy emdeitin mekemeden shyqty. Bul týraly Pavlodar oblystyq máslihatynyń depýtaty Asylbek Týǵanbai habarlady.
«Jaǵymdy jańalyq. Kesheli beri kóziqaraqty jurtshylyq pavlodarlyq belsendi, til janashyry Rýza Beisenbaiteginiń jaǵdaiyna alańdaýly bolǵany túsinikti. Dál qazir Rýza apai psihiatriialyq emhanadan bosatyldy. Jaǵdaiy jaqsy.
Ol kisige qatysty máselege barlyǵymyz alańdadyq. Shamamyz kelgenshe naqty aqparat alyp otyrýǵa tyrystyq. Quzyrly mekemelermen únemi bailanysta boldyq. Ár óńirden qanshama adam habarlasty. Barsha janashyr aǵaiynǵa alǵys bildiremiz», - dep jazdy depýtat.
Asylbek Týǵanbai bul tóńirekte alyp qashpa áńgime de kóp bolǵanyn atap ótti.
«Rýza apaidy bilik ádeii qamatypty», «arnaiy emhanada es-aqylyna áser etetin ekpe salyp jatyr eken» degen áńgime jeldei esip ketti. Máseleniń baiybyna barmai jatyp arandatýshylyqqa erip ketetin jaǵdailar kóp kezdesedi. Ókinishtisi, oǵan etimiz de úirenip barady...
Bul - jeke daýdan týyndaǵan másele. Anyq-qanyǵyn quzyrly organdar aita jatar. Eń bastysy – Rýza apai din aman», - dep túiindedi ol.
Sondai-aq Rýza Beisenbaiteginiń mekemeden shyǵarylǵany týraly aqparatty oblystyq densaýlyq saqtaý basqarmasynyń baspasóz qyzmeti rastady.
«Ortalyq dárigerleri tarapynan naýqasqa eki kún boiy em qabyldaý sharalary jasaldy. Meditsina qyzmetkerleriniń qaraýynan keiin densaýlyq jaǵdaiynyń jaqsarýyna orai, konsiliým sheshimimen naýqas dispanserlik baqylaý usynysymen úiine qaitaryldy.
Densaýlyq saqtaý salasyndaǵy zańnamaǵa sáikes, aldaǵy ýaqytta naýqastyń psihikalyq aýytqýlary nasharlap, ainalasyndaǵy adamdarǵa ziian keltirý yqtimaldyǵy qaita baiqalǵan jaǵdaida, ol emdeýge jiberiletin bolady», - delingen basqarmanyń resmi habarlamasynda.
