QR Ulttyq ulan «Shyǵys» óńirlik qolbasshylyǵynyń qolbasshysy, polkovnik Rústem Aqbalinniń aitýynsha, Prezident Qasym-Jomart Toqaev kezekti joldaýynda eldiń ál-aýqatyn kóterýge arnalǵan keshendi sharalarǵa keńinen toqtalyp, úkimetke naqty tapsyrmalar berdi, dep habarlaidy QazAqparat.
«Qasym-Jomart Kemeluly óz joldaýynda memlekettik basqarýdyń jańa modelin usyndy. Iaǵni, bul baǵytta memlekettik qyzmetti qaita retke keltirý qajet. Ol úshin reforma júieli túrde júrgizilmek. Bul kadrlyq máselege basty nazar aýdarýdy talap etedi. Jyl basynan álemdi alqymynan alǵan alapat indet qanshama memleketterde adam shyǵynymen qatar, el ekonomikasyna aýyr soqqy berip, týrizmmen kún kórip otyrǵan birqatar memleketterdi daǵdarysqa ushyratty. Álemdegi daǵdarystyń salqyny bizdiń eldiń ekonomikasyna da óz áserin tigizbei qoǵan joq. Ásirese, shaǵyn jáne orta kásibin dóńgeletip otyrǵandardyń karantin kezinde tabys kózi edáýir azaiǵan.Tipti, amalsyzdan jabylýǵa týra kelgen kásipkerler sany kóbeidi. Prezidentimiz bul olqylyqtyń ornyn toltyryp, shaǵyn jáne orta kásipke memleket tarapynan 200 mlrd teńge kóleminde qarjy qarastyrylǵanyn aitty. Elimizdegi kásipkerlerge jasalǵan qamqorlyq aldaǵy ýaqytta óz jemisin beredi dep senemiz», - deidi ol.
Rústem Aqbalinniń aitýynsha, Prezident óz joldaýynda «Jer sheteldikterge satylmaidy» dep, el ishinde rezonans týdyryp, sońy úlken shieleniske apara jazdaǵan daýly máselege núkte qoidy.
«Biz budan qoǵamda beleń alǵan kúmándi oilarǵa toqtaý bolyp, halyq pen bilik bir bailamǵa kelgenin baiqaimyz. Pandemiia barysynda óz densaýlyǵyn qaterge tigip, ár naýqastyń ómiri úshin sońyna deiin kúresken dárigerlerdiń eńbegi orasan zor. Prezident aldaǵy 2023 jylǵa deiin aq halatty abzal jandardyń jalaqysy eldegi ortasha jalaqymen salystyrǵanda eki ese kóteriletinin basa aitty. Bul meditsina salasyna ǵana emes, jalpy halyqqa kórsetilgen qamqorlyq dep baǵalaýǵa bolady. Sebebi, dárigerlerdiń áleýmettik jaǵdaiyn kóterý arqyly eldegi meditsinalyq qyzmettiń sapasyn arttyrýǵa túrtki bolmaq. Jalpy, Prezident joldaýyn tyńdai otyryp, eldiń damý mehanizmin kadrlyq máselege tikelei bailanystyrǵanyn ańǵaramyz. Máselen, memlekettik qyzmetkerlerdiń sanyn aldaǵy 2021 jylǵa deiin 15 paiyzǵa azaityp, sapasyn arttyrýdy tolyq qoldaimyn. Sebebi, eldi jailaǵan pandemiia naqty elge naǵyz qajetti mamandardy ózi-aq suryptap bergen sekildi. Demek, biz qoǵamǵa kerekti kadrlarǵa basa mán berýge tiispiz. Bul rette jastar arasynan surasynqa ie mamandardy daiarlaý qajet. «Qazirgi jastar tez ári ońai baiyp ketkisi keledi» degen syni pikirin jasyra almaǵan Qasym-Jomart Kemeluly jastardy eń áýeli naǵyz maman bolýǵa talpynýǵa úndedi», - deidi QR UU «Shyǵys» óńirlik qolbasshylyǵynyń qolbasshysy.
