Azamattarymyzdyń qaýipsizdigi men tynyshtyǵyn qamtamasyz etý. Bul - Zerendi aýdandyq politsiia basqarmasynyń ýaqytsha ustaý izoliatorynyń kúzet-politseii, politsiia starshinasy Rýslan Jienbaevtyń ómirlik ustanymy, dep habarlaidy QazAqparat.
Ol eńbekke degen qulshynysy men tabandylyǵynyń arqasynda quqyq qorǵaý organdary salasynda biik belesterge jetti.
Óz qyzmetine adal jannyń jetken jetistigi men alǵan asýy ózimen iyq tirestirip júrgen áriptes ini-qaryndastaryna úlgi bolardai. 15 jyldan astam bir salada tapjylmastan istegen eńbeginiń arqasynda ol quqyq qorǵaý organdary salasynda mol tájiribe jinaqtaǵan. Sol sebepti, ujymda da syily. Iyq tirestirip birge qyzmet istep júrgen áriptesteri men qurbylary Rýslan Jinebaevty bilikti maman ári óz isine adal qyzmetker sanaidy.
Zerendi aýdanynyń Kókterek aýylynda dúniege kelgen ol bala kezinen politsiia bolýdy armandaǵan. 2005 jyly áskeri boryshyn ótep kelgen soń quqyq qorǵaý organdaryna qyzmetke qabyldanypty.
«Bul qyzmetke eń basty keregi – adamgershilik, tózim, saýattylyq. Sondai-aq bul qyzmet aadamdy shydamdylyqqa úiretedi. Jaýapty jumys bolǵandyqtan, basshylardyń bergen tapsyrmalaryn múltiksiz oryndaýǵa tyrysamyn. Men úshin bul úlken jaýapkershilik», - deidi Rýslan Jienbaev.
Búginde Rýslan pandemiia kezinde óńirde koronavirýs infektsiiasymen kúreske óz úlesin qosyp júr. Elimiz boiynsha jariialanǵan tótenshe jaǵdai kezinde «Zerendi-Kókterek» avtojolynyń №3 blokpostynda kúsheitilgen rejimde kezekshilik atqardy. Kenjesi osy tótenshe jaǵdai kezinde dúniege kelipti.
«Sondai bir kezekshilik kezinde maǵan tanysym qońyraý shalyp, qosaǵym Áseldiń ul balany dúniege ákelgenin aitty. Bul habarǵa qatty qýandym, biraq, kúsheitilgen rejimde jumys istep júrgendikten áielim men ulymdy kórýge bara almadym», – deidi Rýslan.
Bul erli-zaiyptynyń 10 jáne 13 jastaǵy qyzdarynan keiingi kópten kútken uly. Mamyrdyń 5-de týǵan ulynyń esimin alańsyz ómir súrsin dep Alan qoiǵan. Aǵa býynnyń tájiribesine júginip, olardyń aqyl-keńesterine qulaq asatyn Rýslan Jienbaev qyzmetine ǵana adal emes, shańyraǵyn biik, keregesin myqty ustap otyrǵan otaǵasy. Qudai qosqan qosaǵy Ásel ekeýi osy kúni qyzy eki qyz, bir uldy tárbielep otyr.
