Foto: Akorda.kz
Rýslan Jeldibai Prezident Ákimshiligi basshysynyń orynbasary – Prezidenttiń baspasóz hatshysy bolyp taǵaiyndaldy, - dep habarlaidy "Ult aqparat" Aqorda saityna silteme jasap.
"Rýslan Sultanuly Jeldibai Qazaqstan Respýblikasy Prezidentiniń Ákimshiligi basshysynyń orynbasary – Prezidenttiń baspasóz hatshysy bolyp taǵaiyndalsyn, ol burynǵy atqarǵan laýazymynan bosatylsyn", - delingen Jarlyqta.
Rýslan Jeldibai 1989 jyly Jambyl oblysynda týǵan.
T. Rysqulov atyndaǵy Qazaq ekonomikalyq ýniversitetin, Ýorik ýniversitetin bitirgen. Eńbek jolyn 2012 jyly «Qazaqstan» telearnasynda redaktor bolyp bastaǵan.
2012-2018 jyldary «Almaty» telearnasynda bólim basshysy, prodiýser bolǵan.
2018-2019 jyldary Aqparat jáne kommýnikatsiialar komitetiniń Internet keńistigindegi jáne áleýmettik jelilerdegi aqparattyq jumys jónindegi basqarma basshysynyń mindetin atqarýshy, basshysy laýazymyn atqarǵan.
2019-2020 jyldary Aqparat jáne qoǵamdyq damý ministrliginiń Aqparat komiteti tóraǵasynyń orynbasary bolyp qyzmet etken.
2020-2022 jyldary Prezident Ákimshiliginiń Ishki saiasat bólimi meńgerýshisiniń orynbasary boldy.
2022 jylǵy aqpannan bastap Premer-Ministr keńsesi basshysynyń orynbasary laýazymyn atqardy.
2022 jylǵy 14 sáýirden beri QR Prezidentiniń Baspasóz hatshysy qyzmetin atqaryp keldi.
