Foto: Saǵadat Nurmaǵambetov atyndaǵy Qurlyq áskerleri Áskeri institýty
Memleket basshysynyń Jarlyǵymen Rýslan Fatihuly Jaqsylyqov Qazaqstan Respýblikasynyń Qorǵanys ministri laýazymyna taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
Rýslan Fatihuly 1966 jyly 4 naýryzda Almaty oblysynyń Qaskeleń qalasynda dúniege kelgen. Ulty – qazaq.
I, II dárejeli «Dańq» ordenimen, Túrkiia Respýblikasy Qarýly Kúshteriniń Ordenimen jáne KSRO, TMD, Qazaqstan Respýblikasynyń 40 medalimen nagradtalǵan. Pedagogika ǵylymdarynyń kandidaty. Áskeri ataǵy - general-leitenant.
1983 jyly Almaty oblysy Qaskelen aýdanynyń Kirov atyndaǵy orta mektebin bitirgennen keiin I.S. Konev atyndaǵy Almaty joǵary jalpy áskeri komandalyq ýchilishesine komandalyq taktikalyq basshylyq mamandyǵy boiynsha oqýǵa túsip, ony 1987 jyly bitirdi.
1996 jyly M.V.Frýnze atyndaǵy Áskeri akademiiasyn komandalyq-shtabtyq jedel-taktikalyq áskeri barlaý mamandyǵy boiynsha támamdady.
2004 jyly Resei Federatsiiasy QK Bas shtaby Áskeri akademiiasynda memlekettiń áskeri qaýipsizdigi mamandyǵy boiynsha Joǵary akademiialyq kýrstaryn aiaqtady.
2003 jyly Shymkent qalasynyń máslihaty 3-shi shaqyrylymynyń depýtaty bolyp sailandy.
1987 jáne 2006 jyldar aralyǵynda vzvod komandirinen bastap qurama komandirine deiingi ártúrli laýazymdarda qyzmet atqardy.
2006 jáne 2007 jyldar aralyǵynda Qazaqstan Respýblikasy IIM Ishki áskerleri Qolbasshysynyń orynbasary.
2007 jáne 2008 jyldar aralyǵynda Qazaqstan Respýblikasy IIM Ishki áskerleri Qolbasshysynyń birinshi orynbasary – Qazaqstan Respýblikasy IIM Ishki áskerler Bas shtabynyń bastyǵy.
2008 jylǵy 4 qyrkúiekten bastap Qazaqstan Respýblikasy IIM Ishki áskerleriniń Qolbasshysy.
2013 jylǵy 22 qantardan bastap Qazaqstan Respýblikasy IIM Ishki áskerleriniń Bas qolbasshysy.
2014 jylǵy 24 sáýirinen bastap Qazaqstan Respýblikasy Ulttyq ulanynynyń Bas qolbasshysy.
2021 jylǵy 29 qyrkúiekten bastap Qazaqstan Respýblikasy Ishki ister Ministriniń orynbasary – Ulttyq ulanynyń Bas qolbasshysy.
2022 jyldyń qańtar aiynan beri QR Qorǵanys ministri.
