Foto: kazakhmys
«Qazaqmys korporatsiiasy» JShS Basqarma tóraǵasy Rýslan Óskenáli kompaniianyń negizgi óndiristik nysandaryn aralady.Shyǵys Jezqazǵan kenishinde Basqarma tóraǵasy tehnologiialyq úderistermen, qazirgi óndiristik kórsetkishtermen, sondai-aq taý-ken tehnikasyn paidalaný men qyzmet kórsetý rejimimen, jóndeý jáne servis protsesteriniń uiymdastyrylýymen tanysty.
Eńbekti qorǵaý jáne ónerkásiptik qaýipsizdik máselelerine erekshe nazar aýdaryldy. Rýslan Óskenáliniń aitýynsha, jer asty kásiporyndaryndaǵy geomehanikalyq jaǵdaidy taldaý jáne monitoring júrgizý úshin belsendi túrde tsifrlyq sheshim engizý qajet. Bul qaýipsizdik deńgeiin arttyrýǵa jáne oryn alýy múmkin táýekelderdi der kezinde anyqtaýǵa múmkindik beredi.
Jezqazǵan baiytý fabrikasy men Jezqazǵan mys balqytý zaýytynda kompaniia basshylyǵy áriptesterimen birge negizgi óndiristik tsehtardy aralady. Sapar barysynda Basqarma tóraǵasy jabdyqtardyń jaǵdaiymen tanysyp, onyń tozý deńgeiin baǵalady.
Sonymen qatar sapar barysynda kásiporyndardyń damý perspektivasy, onyń ishinde bolashaqtaǵy investitsiialyq josparlar men basym investitsiialyq baǵdarlamalar talqylandy.
Foto: kazakhmys
Bul saparda eńbek ujymdarymen kezdesý ótkizilgen joq, mundai kezdesý aldaǵy ýaqytqa josparlanǵan. Kompaniia basshylyǵy barlyq óndiristik alańdarda qyzmetkerlermen tikelei dialog ornatýǵa nietti.
Kásiporyndarǵa jasalǵan tanysý sapary kompaniia basshylyǵynyń júieli jumysynyń mańyzdy bóligi bolyp tabylady. Ol naqty óndiristik úderisti tereń túsinýge, negizgi mindetterdi aiqyndaýǵa jáne bolashaq damý josparyn qalyptastyrýǵa baǵyttalǵan. Aldaǵy ýaqytta óndiristi jańǵyrtý jáne onyń tiimdiligin arttyrý boiynsha aýqymdy jumys pen jospardy júzege asyrý mindeti tur.
