QR Premer-Ministriniń ókimimen Rýslan Qapyzuly Maǵzumov Premer-Ministr Keńsesiniń Óńirlik damý bóliminiń meńgerýshisi qyzmetine taǵaiyndaldy, dep habarlaidy "Ult aqparat" Úkimettiń baspasóz qyzmetine silteme jasap.
Rýslan Maǵzumov 1975 jyly Qaraǵandy oblysynda dúniege kelgen.
Qazaq tutynýshylar kooperatsiiasy institýtyn, Qaztutynýodaǵy Qaraǵandy ekonomikalyq ýniversitetin támamdaǵan.
Eńbek jolyn 1996 jyly «Qaraǵandyavtojol» qazynalyq kásipornynyń jol qoryn jinaý bóliminiń bas mamany laýazymynan bastady.
1998-2001 jyldary — QR Qarjy ministrliginiń Biýdjet departamentiniń ekonomisti, jetekshi ekonomisti, bas mamany.
2001-2003 jyldary — QR Qarjy ministrliginiń Memlekettik organdardy qarjylandyrý departamentinde bólim basshysy, basqarma basshysynyń orynbasary. 2003-2008 jyldary — QR Kólik jáne kommýnikatsiialar ministrliginiń Qarjy departamentinde direktordyń orynbasary, direktor.
2008-2009 jyldary — «QazAviaLizing» AQ investitsiialar jáne lizing jónindegi vitse-prezidenti.
2009-2010 jyldary — «Qazaqstandyq kóliktik lizingtik kompaniia» AQ vitse-prezidenti. 2010-2011 jyldary — QR Statistika agenttiginiń Qarjy jáne qujatpen qamtamasyz etý departamentiniń direktory.
2011-2012 jyldary — QR Bailanys jáne aqparat ministrliginiń Qarjy departamentiniń direktory, Memlekettik qyzmetterdi avtomattandyrýdy jáne halyqqa qyzmet kórsetý ortalyqtaryn baqylaý komiteti tóraǵasynyń orynbasary.
2012-2014 jyldary — QR Kólik jáne kommýnikatsiialar ministrliginiń Kólik jáne qatynas joldary komiteti tóraǵasynyń orynbasary. 2014-2019 jyldary — «Qazaeronavigatsiia» RMK basqarýshy direktory.
2020 jyldan bastap QR Premer-Ministriniń Keńsesi qurylymynda jumys istedi.
2022 jylǵy aqpannan bastap qazirge deiin QR Premer-Ministri Keńsesiniń Óńirlik damý bólimi meńgerýshisiniń orynbasary boldy.
