«Qarapaiym zattar ekonomikasy» baǵdarlamasyn jetildirý boiynsha birqatar shara qabyldandy. Bul týraly búgin Úkimet otyrysynda QR Ulttyq ekonomika ministri Rýslan Dálenov aitty, dep habarlaidy QazAqparat.
«Biyl «Qarapaiym zattar ekonomikasy» baǵdarlamasyn jetildirý boiynsha birqatar shara qabyldandy. Birinshiden, beriletin memlekettik kepildik mólsheri ulǵaityldy. Kepildik berý merzimi 2 ese qysqartyldy jáne agroónerkásiptik keshen óndirisi jobalary úshin kepildik kózdeldi. Ekinshiden, baǵdarlama merzimin 2021-shi jyldyń sońyna deiin uzarta otyryp, kreditteýdiń jalpy kólemi 1 trln teńgege ulǵaityldy. Kreditteýdi ulǵaitý úshin árbir ekinshi deńgeidegi bankter limiti arttyryldy«, - dedi ministr.
Onyń aitýynsha, úshinshiden, kreditteýdi ulǵaitý maqsatynda ekonomikalyq qyzmet túrleri keńeitildi.
«Sondai-aq «Qazaqstan damý banki» AQ arqyly óńdeýshi óndiristerdi qarjylandyrý ulǵaityldy», - dedi ol.
