Búgin, 10 qyrkúiek kúni Rýmyniia astanasy Býharest qalasynda qazaqtyń uly aqyny Abai Qunanbaiulynyń eskertkishi saltanatty túrde ashyldy, dep habarlaidy "Ult aqparat".
Jiynǵa Rýmyniiadaǵy Qazaqstan elshiligi men L.N. Gýmilev atyndaǵy Eýraziia ulttyq ýniversiteti muryndyq bolyp, qoldaý kórsetti. Músin avtory - Eýraziia ulttyq ýniversitetiniń professory, kórnekti músinshi, QR Sýretshiler Odaǵy jáne Qazaqstan Dizainerler odaǵynyń múshesi Talǵat Anarbekov. Onyń avtorlyq jumystary óz elimiz ben shet elderdegi kórmelerge qoiylǵan.
Is-sharaǵa Parlament jáne memlekettik organdardan kelgen rýmyndyq saiasi qairatkerler, shet memleketterdiń elshileri, sondai-aq akademiialyq, qoǵamdyq jáne orta biznes pen BAQ ókilderi qatysty.
Elshi Nurbah Rústemov óziniń quttyqtaý sózinde Abaidyń 175 jyldyǵy aiasynda eskertkishtiń ashylýy Qazaqstan men Rýmyniia halyqtarynyń ózara syilastyǵynyń, eki eldiń tarihyn tani otyryp, jańa urpaqty tárbieleýdiń kórneki úlgisi bolyp tabylatynyn atap ótti. Sonymen qatar eýropalyq mádenietke tartý Qazaq mádenietiniń reformatory - Abai umtylysynyń biri ekendigi jáne onyń uly murasy Shyǵys pen batys mádenietine birdei ortaq dúnie ekeni egjei-tegjeili aityldy.
Shara barysynda qazaqtyń uly aqyny Rýmyniia jastaryna baǵa jetpes qundylyq ekeni erekshe atalyp, L.N.Gýmilev atyndaǵy Eýraziia ulttyq ýniversiteti men Býharest qalasynyń merine alǵys bildirildi.
Is-sharaǵa qatysýshylar qazaq halqynyń kemeńger aqynyn halyqtar arasyndaǵy dostyqtyń ómirsheń belgisi dep baǵalady. Máselen, Parlament depýtattary palatasynyń vitse-spikeri, «Qazaqstan-Rýmyniia» parlamentaralyq dostyq tobynyń tóraǵasy Florin Iordake men Mádeniet ministrliginiń memlekettik hatshysy Mihai Firika álemdik deńgeidegi uly aqynǵa eskertkish ornatý Býharestiń ómirindegi jańa tarihi kezeńge ainalatynyn, sondai-aq onyń álemdik mádenietke qosqan úlesi úshin Qazaqstan halqyna qurmet bolyp tabylatynyn jetkizdi.
Shara barysynda Abaidyń «Qara sózderin» rýmyn tiline aýdarǵan belgili lingvist Antoaneta Oltianý aqynnyń ómiri men shyǵarmashylyǵy týraly aityp berse, balabaqsha tárbielenýshileri qazaq tili muǵaliminiń jetekshiligimen Abai óleńderin jatqa oqyp, ánderin shyrqady.
Is-sharanyń mándi de mazmundy ótýine Rýmyniiada turatyn jas qazaqstandyq sýretshi Alýa Tebenovanyń ekspozitsiiasy da úlken úles qosty, ol óz kartinalarynda qazaq halqynyń ulttyq biregeiliginiń mánin jetkizedi.
Sondai-aq, qonaqtar nazaryna rýmyn tiline aýdarylǵan Abaidyń «Qara sózder», Elbasynyń «Táýelsizdik dáýiri» kitaby jáne QR Prezidenti Q.Toqaevtyń biylǵy 1 qyrkúiektegi Joldaýy, taǵy basqa da imidjdik materialdar usynyldy.
L.N.Gýmilev atyndaǵy Eýraziia ulttyq ýniversitetiniń rektory, akademik Erlan Sydyqov Býharest tórinde asqaqtaǵan Abai músinin QR Tuńǵysh Prezidenti N.Á.Nazarbaevtyń «Bolashaqqa baǵdar: rýhani jańǵyrý» jáne «Uly dalanyń jeti qyry» jáne QR Prezidenti Q.K.Toqaevtyń «Abai jáne HHI ǵasyrdaǵy Qazaqstan» eńbekteriniń kontseptsiialyq muratyn, aqynnyń 175 jyldyq mereitoiyn ótkizý jónindegi memlekettik is-sharalardy júzege asyrýdyń bir kórinisi dep biledi.
Oraiy kelgende aita ketken jón, Qazaqstan men Rýmyniia arasynda diplomatiialyq qarym-qatynas osydan 28 jyl buryn qalanǵan. Sol kezden bastap ekijaqty saiasi, ekonomikalyq jáne mádeni-gýmanitarlyq saladaǵy yntymaqtastyq oraily damyp keledi.
Rýmyniia – Qazaqstannyń ońtústik-shyǵys Eýropadaǵy mańyzdy saýda seriktesi. Sońǵy tórt jylda Rýmyniia jaratylystaný jáne gýmanitarlyq ǵylymdar jáne ǵylymi-tehnikalyq mamandyqtar boiynsha qazaqstandyq bilim alýshylarǵa grant usynýda.
