Qaraǵandy qalasynda eki jeńil kólik soqtyǵysyp, saldarynan bir jasar bala kóz jumdy. Kólikterdiń birin politsiia qyzmetkeri tizgindegen, dep habarlaidy QazAqparat.
Qaiǵyly oqiǵa 19 qazan kúni saǵat 21.45-te Qaraǵandy qalasynda Respýblika dańǵyly men Dúisembekov kóshesiniń qiylysynda bolǵan. «Mercedes» avtokóliginiń júrgizýshisi – 37 jastaǵy politsiia qyzmetkeri jumysynan úiine qaityp bara jatyp, baǵdarshamnyń sary túsine ótip ketken. Saldarynan 29 jastaǵy azamattyń basqarýyndaǵy «VAZ-2114» avtokóligimen soqtyǵysqan.
«Jol-kólik oqiǵasy saldarynan «VAZ-2114» avtokóliginde bolǵan 1 jastaǵy sábi qaza boldy. Júrgizýshi jáne 27 jastaǵy jolaýshy ártúrli jaraqattarmen aýrýhanaǵa jetkizildi. Atalǵan fakti boiynsha Qazaqstan Respýblikasy Qylmystyq kodeksiniń 345-baby 3-bóligine sáikes qylmystyq is qozǵaldy. «Mercedes» avtokóliginiń 37 jastaǵy júrgizýshisi ýaqytsha ustaý izoliatoryna qamaldy», - dep málim etti oblystyq Politsiia departamentiniń baspasóz qyzmetinde.
