Almatyda ruqsat merzimi ótken qarýdy saqtaýǵa jáne alyp júrýge 10 shildege deiin ruqsat berildi, dep habarlaidy "Ult aqparat".
Ákimshilik politsiia basqarmasynyń habarlaýynsha, QR IIM nusqaýyna sáikes, tótenshe jaǵdai kezinde qarýdy saqtaýǵa jáne alyp júrýge berilgen ruqsat merzimi ótken azamattyq qarý ieleri QR Ákimshilik quqyq buzý týraly kodeksiniń 486-babyna sáikes osy jyldyń 10 shildesine deiin ákimshilik jaýapkershilikke tartylmaidy.
«Sol kúnge deiin bul qujatty uzartýǵa bolady. Bul ereje kólik júrgizýshi kýáliginiń merzimi aiaqtalǵan júrgizýshilerge de qatysty. Elektrondyq tsifrlyq qoltańbamen Egov elektrondyq úkimettiń portaly arqyly qujattardy almastyrýǵa bolady»,– dep tolyqtyrdy politsiiadan.
