Búgin túnde elorda áýejaiynda «Vitebskidegi Slavian bazary» halyqaralyq baiqaýynyń jeńimpazy Rýhiia Baidúkendi jankúierleri kútip aldy, dep habarlaidy "Ult aqparat".
«Qazaq halqyna alǵysymdy aitamyn. Eń bastysy, halqyńnyń mahabbatyn seziný, elińniń seni moiyndaýy emes pe? Jeńisimdi halqymmen birge toilaǵym keledi. Bala kezimnen bergi armanym edi bul. Búgin alǵa qoiǵan maqsatyma jettim», – dedi Rýhiia Baidúken elorda áýejaiynda..
Aita keteiik, 14 memleketten kelgen qatysýshy slavian elinen shyqqan kompozitordyń týyndysyn slavian tobyna jatatyn tildiń birinde orkestrdiń súiemeldeýimen oryndady. Baiqaý nátijesinde jerlesimiz Gran-pri iegeri atanyp, «Altyn lira» músinshesimen birge 20 myń AQSh dollaryna ie boldy.
Baiqaý jeńimpazy Rýhiia Baidúkendi Memleket basshysy Qasym-Jomart Toqaev arnaiy quttyqtady.
Odan bólek, jas ánshini jeńisimen elimizdiń Mádeniet jáne sport ministri Aqtoty Raiymqulova da quttyqtady.
«Baiqaýǵa jalǵyz ózim bardym. Aldymen Belarýs astanasy Minskide prezident orkestrimen daiyndyq ótkizdik, sosyn Vitebskige bardyq. Baiqaý eki kúnge sozyldy, jeńiske jetetinime alǵashynda kúmándandym, sebebi qarsylastarym myqty boldy. Degenmen barynsha ózime senimdilik tanyttym», - deidi ol.
