بٷگٸن تٷندە ەلوردا ەۋەجايىندا «ۆيتەبسكٸدەگٸ سلاۆيان بازارى» حالىقارالىق بايقاۋىنىڭ جەڭٸمپازى رۋحييا بايدٷكەندٸ جانكٷيەرلەرٸ كٷتٸپ الدى, دەپ حابارلايدى "ۇلت اقپارات".
«قازاق حالقىنا العىسىمدى ايتامىن. ەڭ باستىسى, حالقىڭنىڭ ماحابباتىن سەزٸنۋ, ەلٸڭنٸڭ سەنٸ مويىنداۋى ەمەس پە? جەڭٸسٸمدٸ حالقىممەن بٸرگە تويلاعىم كەلەدٸ. بالا كەزٸمنەن بەرگٸ ارمانىم ەدٸ بۇل. بٷگٸن العا قويعان ماقساتىما جەتتٸم», – دەدٸ رۋحييا بايدٷكەن ەلوردا ەۋەجايىندا..
ايتا كەتەيٸك, 14 مەملەكەتتەن كەلگەن قاتىسۋشى سلاۆيان ەلٸنەن شىققان كومپوزيتوردىڭ تۋىندىسىن سلاۆيان توبىنا جاتاتىن تٸلدٸڭ بٸرٸندە وركەستردٸڭ سٷيەمەلدەۋٸمەن ورىندادى. بايقاۋ نەتيجەسٸندە جەرلەسٸمٸز گران-پري يەگەرٸ اتانىپ, «التىن ليرا» مٷسٸنشەسٸمەن بٸرگە 20 مىڭ اقش دوللارىنا يە بولدى.
بايقاۋ جەڭٸمپازى رۋحييا بايدٷكەندٸ مەملەكەت باسشىسى قاسىم-جومارت توقاەۆ ارنايى قۇتتىقتادى.
ودان بٶلەك, جاس ەنشٸنٸ جەڭٸسٸمەن ەلٸمٸزدٸڭ مەدەنيەت جەنە سپورت مينيسترٸ اقتوتى رايىمقۇلوۆا دا قۇتتىقتادى.
«بايقاۋعا جالعىز ٶزٸم باردىم. الدىمەن بەلارۋس استاناسى مينسكٸدە پرەزيدەنت وركەسترٸمەن دايىندىق ٶتكٸزدٸك, سوسىن ۆيتەبسكٸگە باردىق. بايقاۋ ەكٸ كٷنگە سوزىلدى, جەڭٸسكە جەتەتٸنٸمە العاشىندا كٷمەنداندىم, سەبەبٸ قارسىلاستارىم مىقتى بولدى. دەگەنمەن بارىنشا ٶزٸمە سەنٸمدٸلٸك تانىتتىم», - دەيدٸ ول.
