Astanada «Jańǵyrý 3.0: Rýhani jańǵyrý» atty halyqaralyq ǵylymi-praktikalyq konferentsiia ótti. Bul sharany Eýraziialyq integratsiia institýty uiymdastyrdy.
Konferentsiianyń maqsaty - Qazaqstandy jańǵyrtýdyń ózekti suraqtary boiynsha keń aýqymdy máselelerdi talqylaý.
Konferentsiianyń jumysyna 100-den astam adam qatysyp, olardyń arasynda belgili ǵalymdar Z. Sháýkenova, Z. Qabyldinov, B. Ábdiǵaliuly jáne Qazaqstan men sheteldiń sarapshy-taldaýshy qoǵamdastyǵynyń basqa da ókilderi, joǵary oqý oryndarynyń professorlary men oqytýshylary boldy.
Qazaqstan Respýblikasy Premer-Ministri Keńsesi basshysynyń orynbasary Erjan Jalbaquly Babaqumarov konferentsiia qatysýshylaryna óziniń quttyqtaý sózin arnap, onda Nursultan Nazarbaevtyń qoǵamda rezonans týǵyzyp, qalyń kópshilik arasynda qoldaý tapqan «Bolashaqqa baǵdar: rýhani jańǵyrý» atty baǵdarlamalyq maqalasy óziniń iske asyrylýy jóninen erekshe tásildi talap etetin jalpyulttyq aýqymdaǵy tereń maǵynaly qujat bolyp tabylady dep atap ótti.
– Táýelsiz Qazaqstan tarihynda áli eshqashan ult aldynda sanany jańǵyrtý sekildi asa tereń ári aýqymdy mindet turmaǵan edi. «Rýhani jańǵyrý» – memlekettiń barlyq salalarynyń sapalyq turǵydan jańaryp-ózgerýine negiz bolýǵa tiis ideialyq tuǵyrnama. Búgingi tańda jańarýǵa degen talpynys óziniń máni jóninen ulttyq-memlekettik ózin-ózi saqtaýmen jáne sapaly damýmen birdei bolyp otyr – dep atap ótti, E. Babaqumarov.
Konferentsiianyń moderatory – Eýraziialyq integratsiia institýtynyń direktory Ǵani Nyǵymetov Institýt júrgizip jatqan sotsiologiialyq zertteýlerdiń keibir aldyn ala qorytyndysyn aityp berdi.
– Zertteýler kórsetip otyrǵandai, qazirgi tańda Úshinshi jańǵyrý sheńberindegi sharalardy iske asyrý úshin qolaily jaǵdai qalyptasyp otyr. Qoǵamdyq pikirde reformashyl kóńil-kúidiń joǵary ekeni atap ótilýde. Qazaqstandyqtardyń 82%-ǵa jýyǵy el ómirinde ózgeris qajet dep esepteidi. Bul rette qazirgi áleýmettik-saiasi damý baǵytyn qoldaý deńgeii de meilinshe joǵary – 88%.
Sotsiologiialyq zertteýlerdiń derekteri qazaqstandyq qoǵam damýynyń áleýmettik-mádeni aspektilerin qozǵaityn jańǵyrý mindetteri men konstitýtsiialyq ózgerister qazaqstandyqtar arasynda qoldaý taýyp otyrǵanyn kórsetedi – dep atap ótti Ǵ. Nyǵymetov.
Konferentsiianyń jumysy barysynda jaýapty memlekettik qurylymdar men ǵylymi-sarapshylyq jurtshylyq ókilderi arasynda «Rýhani jańǵyrý» baǵdarlamasy men Konstitýtsiialyq reformanyń sheshýshi baǵyttaryn iske asyrý barysyn talqylaý boiynsha keń kólemde syndarly suhbat órbidi.
Kezdesýge qatysýshylar qoǵamdyq sanany jańǵyrtý baǵdarlamasy sheńberinde júrgizilip jatqan jumysty keńinen jazyp-kórsetip, halyqqa túsindirý úshin suhbat alańy jumysynyń mańyzy zor ekenin atap ótti.
