QR Aqparat jáne qoǵamdyq damý ministriniń buiryǵymen Asylbek Esimqanuly Esenbaev «Rýhani jańǵyrý» Qazaqstandyq qoǵamdyq damý institýty» KeAQ Basqarmasynyń tóraǵasy bolyp taǵaiyndaldy, dep habarlaidy QR Aqparat jáne qoǵamdyq damý ministrliginiń baspasóz qyzmeti.
Asylbek Esenbaev – bilimi boiynsha ekonomist, 1998 jyly T.Rysqulov atyndaǵy Qazaq memlekettik basqarý akademiiasyn bitirdi.
Saiasi ǵylymdarynyń kandidaty. Eńbek jolyn Qazaqstannyń Damý institýtynda ǵylymi qyzmetker retinde bastaǵan. «Strategiia» taldaý ortalyǵy, QR Tuńǵysh Prezidenti qory janyndaǵy Álemdik ekonomika jáne saiasat institýty sekildi ǵylymi-zertteý qurylymdarynda jumys istedi.
Qazaqstan Respýblikasy Prezidentiniń Ákimshiliginde, Qazaqstan Respýblikasynyń Qaýipsizdik Keńesinde, Qazaqstan Respýblikasy Premer-Ministriniń Keńsesinde qyzmet jasady. Qazaqstan Respýblikasynyń Resei Federatsiiasyndaǵy Elshiliginiń keńesshisi bolyp jumys istedi. Osy ýaqytqa deiin Nur-Sultan qalasynyń ákimdiginde basqarma basshysy bolyp qyzmet atqardy.
