QR Prezidenti N. Nazarbaevtyń «Rýhani jańǵyrý» baǵdarlamalyq maqalasy – elimizdi sapaly qaita túrlendirýge negiz bolatyn ideialyq platforma. Osyndai pikirimen Óskemen qalasynda «Jańǵyrý 3.0: Rýhani jańǵyrý» taqyrybynda ótken ekinshi óńirlik dóńgelek ústel barysynda Eýraziialyq integratsiia institýtynyń direktory Ǵani Nyǵymetov bólisti, - dep habarlaidy "Ult aqparat".
Ǵani Nyǵymetov óz sózinde búginde qazaqstandyqtar el tarihynyń jańa kezeńiniń paida bolýynyń kýágerleri ekenin atap ótti. Onyń biregeiligi – Prezident jariialaǵan jańǵyrtý protsesiniń bir ýaqytta úsh baǵytta: ekonomikany jańǵyrtý, aýqymdy saiasi jańǵyrtýǵa negiz bolǵan konstitýtsiialyq reforma jáne qoǵamdyq sanany jańǵyrtý salalarynda júzege asyrylýynda.
Sondai-aq, ol úshinshi baǵyttyń eń kúrdeli ári aýqymdy ekenin málimdedi, sebebi qazaqstandyqtardyń aldynda buǵan deiin eshqashan qoǵamdyq sanany jańǵyrtý mindeti qoiylmaǵan bolatyn. Dál osy baǵyt elimizdegi barlyq yqtimal qaita túrlendirýlerdiń ózegi bolyp tabylady, al onyń qozǵaýshy kúshteri – alty joba.
Olardyń birinshisi – qazaq tiliniń latyn grafikasyna birtindep aýysýy. Joba tildi damytýǵa jańa serpin berýge jáne ony álemdik keńistikke yqpaldastyrýǵa, azamattardy tildi úirenýge yntalandyryp, qyzyǵýshylyqtaryn oiatýǵa baǵyttalǵan.
Ekinshi joba – «Qazaq tilindegi 100 jańa oqýlyq». Onyń maqsaty – qazaqstandyq stýdentterge álemniń eń úzdik oqýlyqtaryn qazaq tilinde oqýǵa múmkindik berý.
Úshinshisi – «Týǵan jer» jobasy, ony júzege asyrý, birinshiden, adamnyń ózi týyp-ósken jerimen bailanysyn nyǵaitý. Ekinshiden, elimizde qaiyrymdylyq mádenietin jetildirý jáne jaýapty áleýmettik is-qimyldar arqyly memlekettik qoldaý kórsetý sharalaryn damytý. Úshinshiden, ǵylymi-bilim berý jáne infraqurylymdyq qoldaýdy qamtamasyz etý – tarihty, geografiiany, týǵan ólke nysandaryn zertteý jáne onyń kórkeitilýi. Jalpy alǵanda, bul mańyzdy ólketaný jumystary bastalǵanyn bildiredi.
Tórtinshi joba – «Qazaqstannyń sakraldy geografiiasy». Mundaǵy jumys mádeni eskertkishke, simvoldyq, sakraldyq jáne mádeni-tarihi zattarǵa bailanysty bolady. Budan ózge, atalǵan jobanyń nysandary týrizm indýstriiasyn damytý oryndaryna ainalady.
Búginde «Jahandaǵy zamanaýi qazaqstandyq mádeniet» jobasy aiasynda qazaq mádenietiniń úzdik týyndylarymen álemdik qaýymtastyqty tanystyrý úshin jaǵdailar jasalyp jatyr. Bul otandyq shyǵarmashylyq ziialylaryna úlken múmkindikterge jol ashady.
«Qazaqstandaǵy 100 jańa esim» jobasy elimizdiń ár túkpirinen, túrli jastaǵy adamdardyń, san alýan ult ókilderiniń arasynan otandastaryna úlgi bolatyn, tabysqa jetken adamdardyń tarihynan turady. Atalǵan júz jáne odan da kóp jańa esim zamanaýi Qazaqstannyń kelbeti men beinesine ainalady.
«Osy jobalardyń barlyǵy úlken ózektilikke jáne tereń maǵynaǵa ie, óitkeni jańǵyrtý – óte kúrdeli protsess. «Rýhani jańǵyrý» elimizdi sapaly qaita túrlendirýge negiz bolatyn ideialyq platforma», – dedi Ǵ. Nyǵymetov.
