«Ortalyq kommýnikatsiialar qyzmeti» respýblikalyq memlekettik mekemesiniń direktory Talǵat Qaliev «Rýhani jańǵyrý» baǵdarlamasyna qatysty pikir bildirdi, dep habarlaidy QazAqparat.
«Búgin biz qyzyqty ári mazmundy dialogtyń kýási boldyq. Pikirtalas óte nátijeli boldy. Bul - «Rýhani janǵyrý» baǵdarlamasynyń shynynda da jumys istep, qoǵamǵa tereń enip, aýqymdy isterdiń atqarylyp jatqanynyń kórsetkishi. Alǵashqy jyldary osy baǵdarlamamen jumys júrgizgenderdiń kóbi jumys retin tolyqqandy bilmegen edi. Endigi kezekte tereń túsinistikpen keibir ólshemder aiqyndalyp, baǵdarlamany qalai júzege asyrý týrasynda ártúrli kózqarastar aitylýda. Dál osy pikirtalastar ony sapasy men mazmuny jaǵynan jetildire túsedi dep oilaimyn», - dedi Talǵat Qaliev Aqordadaǵy jiynnan keiin jýrnalisterge bergen suhbatynda.
Sarapshy «Rýhani jańǵyrý» baǵdarlamasynyń ainalasyndaǵy alýan pikirlerdi jaǵymdy tendentsiiaǵa teńedi.
«Mundai pikirtalastar ony jetildirýge jáne tiimdiligin arttyrýǵa kómektesedi. Óitkeni baǵdarlamanyń túpki maqsaty - zamanaýi, progressivti jáne jastar ortasynda bárine túsinikti, salaýatty moraldyq-qundylyqqa ie baǵyttardy qalyptastyrý. Búgin de biz jastar arasynda qundylyqtardy túsinbeýshilik baiqalady. Bálkim, bul sýitsid pen ajyrasý jaǵdailarynyń artynda problemalar shyǵar. Sebebi bul psihologiialyq máselelerdiń artynda qundylyqty burmalaý jaǵdaiy kórinis beredi», - deidi Talǵat Qaliev.
Eske sala ketsek, búgin Aqordada Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen «Rýhani jańǵyrý» baǵdarlamasy boiynsha ulttyq komissiia otyrysy ótip, Aqparat jáne qoǵamdyq damý ministri Dáýren Abaev baǵdarlamanyń 2020 jylǵa arnalǵan jańa josparyn tanystyrǵan bolatyn.
.jpeg)