Búgin Aqordada QR Prezidenti Ákimshiliginiń Basshysy Á.Jaqsybekovtiń tóraǵalyǵymen Qazaqstan Respýblikasy Prezidentiniń janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komissiianyń kezekti otyrysy ótti.
Keńestiń jumys kún tártibi memlekettik organdardyń respýblikalyq jáne óńirlik deńgeilerde «Rýhani jańǵyrý» baǵdarlamasyn iske asyrý sheńberindegi qyzmetiniń nátijelerin talqylaý máselelerin qamtydy.
Á.Jaqsybekov óz sózinde baǵdarlamany iske asyrýdyń jańa kezeńinde osy qarqynnan tanbai, keleshektiń aiqyn kórinisin anyqtap alýdyń mańyzdy ekenin atap ótti.
Negizgi baiandamalardy O.Orazalin, A.Balaeva, D.Abaev, A.Muhamediuly jasady.
Beinekonferentsbailanys rejiminde Almaty jáne Atyraý oblystary basshylarynyń baiandamalary tyńdaldy.
Keńes qorytyndysy boiynsha Ulttyq komissiia tóraǵasy baǵdarlamanyń iske asyrylý barysy Memleket basshysynyń tarapynan erekshe baqylaýda ekenine, sondai-aq barlyq josparlanǵan jobalardy sapaly iske asyrýdyń jáne olardyń «Rýhani jańǵyrý» baǵdarlamasynyń maqsattary men mindetterine tujyrymdamalyq sáikes bolýynyń qajettigine basa kóńil bóldi.
Óńirler basshylaryna baǵdarlamanyń barlyq baǵyttary boiynsha jumysty jandandyrý, sonyń ishinde «Qazaqstannyń kieli geografiiasy», «Týǵan jer» jobalarynyń iske asyrylýyn erekshe baqylaýǵa alý, ólketanýdy damytýǵa jáne jergilikti shyǵarmashylyq ujymdarǵa qoldaý kórsetýdi qamtamasyz etý jóninde naqty tapsyrmalar berildi.
* * *
«Rýhani jańǵyrý» baǵdarlamasyn iske asyrýdyń 2017 jylǵy negizgi qorytyndylary
- Qazaqstan Respýblikasy Prezidentiniń Jarlyǵymen qazaq tiliniń latyn grafikasyna negizdelgen álipbii bekitildi.
- QR Úkimetiniń janyndaǵy Qazaq tilin latyn grafikasyna kezeń-kezeńimen kóshirý jónindegi ulttyq komissiia quryldy.
«Jańa gýmanitarlyq bilim. 100 jańa oqýlyq» jobasy sheńberinde «Ulttyq aýdarma biýrosy» kommertsiialyq emes qor qurylyp, áleýmettik-ekonomikalyq jáne gýmanitarlyq bilim salasyndaǵy álemniń 17 úzdik oqýlyǵy memlekettik tilge aýdaryldy jáne tsifrlandyryldy.
- «Qazaqstannyń 100 jańa tulǵasy» jobasy sheńberinde jalpyhalyqtyq onlain daýys berý 102 jeńimpazdy anyqtady. Daýys berýge barlyǵy 340 myń qazaqstandyq qatysyp, óz favoritterine 1 mln. 376 myń daýys berdi. 2017 jylǵy 1 jeltoqsanda Memleket basshysynyń Jobaǵa qatysýshylarmen kezdesýi ótkizildi.
- «Qazaqstannyń kieli geografiiasy» jobasy sheńberinde Jalpyulttyq jáne jergilikti kieli oryndardy irikteý jáne júielendirý jónindegi ǵylymi-saraptamalyq keńes quryldy; Jalpyulttyq jáne óńirlik mańyzǵa ie nysandardyń tizimi ázirlendi; jalpyulttyqmańyzǵa ie kieli nysandar boiynsha 3d týrly Kieli nysandardyń virtýaldyq kartasy ázirlendi.
- «Týǵan jer» jobasy sheńberinde jalpy respýblika boiynsha 700-den astam joba iske asyryldy; metsenattar esebinen 51 mlrd. teńgeden astam demeýshilikkómek alyndy;735 nysan abattandyryldy jáne qalpyna keltirildi. «Týǵan jer» jobasy boiynsha jalpy 1438 nysan paidalanýǵa berildi.
- «Jahandaǵy zamanaýi qazaqstandyq mádeniet» jobasy boiynsha Qazaqstannyń táýelsizdigi kezeńinde jasalǵan qazaqstandyq mádeniet týyndylary jinaqtalyp, júielendirildi.
2017 jyly Parijdegi UNESCO shtab-páterinde «Rýhani jańǵyrý» baǵdarlamasynyń tanystyrylymy ótti. Tanystyrylym sheńberinde sheteldik aýditoriiaǵa qazaqstandyq mádeniettiń túrli baǵyttaryn aishyqtaityn ártúrli is-sharalar ótkizildi.
Otandyq teatrlardyń, mýzeilerdiń jáne mýzykalyq ujymdardyń qatysýymen jalpy 20 shaqty sheteldik gastrolder, kórmeler jáne basqa da mádeni is-sharalar uiymdastyryldy.
Halyqaralyq jáne teatr festivalderi men oryndaýshylyq óner festivaldarynyń 27 direktsiiasymen kelissózder ótti. Qazaqstandyq memlekettik teatrlardyń halyqaralyq festivaldarǵa qatysý kestesi jasaldy.
Otandyq kinematografty dáripteý maqsatynda AQSh pen Italiiada Qazaqstan kinosy kúnderi ótkizilip, 7 kinokartina kórsetildi.
Úzdik qazaqstandyq mýzykalyq týyndylarǵa tsifrly formattaǵyqoljetimdikti qamtamasyz etetin Dalatunes – internet-resýrs jobasy iske asyryldy. 2017 jyldyń ishinde 13 myń mýzykalyq týyndy, 1,2 myń nota jáne 1,7 myń akkord júktelgen.
Jańa talantty avtorlar men týyndylardy aiqyndaýdy kózdeitin Birinshi «Rýh» halyqaralyq ádebi konkýrsy uiymdastyryldy.
Respýblikalyq jáne óńirlik deńgeilerde mýzei qorlaryn tsifrlandyrý jumysy belsendi júrgizilýde.
Á.Qasteev atyndaǵy Memlekettik óner mýzeiinde 13 700 saqtaý birligi tsifrlandyryldy. QR Ortalyq memlekettik mýzeiinde 39 602 birlik tsifrlandyryldy.
Qostanai oblysynda eksponattardyń 24,5%, Aqtóbe oblysynda – 23%, Atyraý oblysynda – 20%, Qaraǵandyoblysynda – 19%, Aqmola oblysynda – 18%, Mańǵystaý oblysynda – 14,8% tsifrly formatqa kóshirildi.
- Jalpy arnaiy jobalardy iske asyrý sheńberinde ǵylymi-saraptamalyq qoǵamdastyqpen jáne joǵary oqý oryndary ókilderimen jumys uiymdastyryldy. Barlyq óńirlerde jetekshi joǵary oqý oryndary bazasynda tanymal ǵalymdardyń, qoǵam qairatkerleriniń qatysýymen Saraptamalyq keńester jumys isteidi. 2017 jyly joǵary oqý oryndary 99 ǵylymi ekspeditsiia uiymdastyryp, jumys qorytyndylary boiynsha 264 maqala jariialandy.
32 joǵary oqý ornynda Qoǵamdyq sanany jańǵyrtý baǵdarlamasy taqyryby boiynsha elektivtik kýrstar engizildi. Atalǵan kýrstardy oqityn stýdentterdiń sany shamamen 45 myń adam. «Rýhani jańǵyrý» baǵdarlamasy taqyryby boiynsha 292 shyǵarmashylyq jáne ǵylymi joba iske asyryldy.
Joǵary oqý oryndarynyń stýdentteri men magistranttary rýhani jańǵyrýdyń túrli aspektileri boiynsha 1115 diplom jumystary men magistrlik dissertatsiialar daiyndady.
