Biyl «Nur Otan» partiiasynyń qurylǵanyna 18 jyl toldy.
Memleket basshysy N.Nazarbaev «Bolashaqqa baǵdar: rýhani jańǵyrý» atty maqalasynyń 2 baǵytynda «Biz jańǵyrý jolynda babalardan miras bolyp, qanymyzǵa sińgen, búginde tamyrymyzda búlkildep jatqan izgi qasietterdi qaita túletýimiz kerek» degen bolatyn. Elbasynyń osy sózderi qazirgi tańda óshkenimizdi jandyryp, joǵaltqanymyzdy túgendep beretin baǵdarlamaǵa ainaldy.
Maqalada aitylǵan «Týǵan jer», «Qazaqstanyń qasietti rýhani qundylyqtary», «Qazaqstannyń kieli jerleriniń geografiiasy», «Qazaqstandaǵy 100 jańa esim» jobalary arqyly tarihi, mádeni, muralarymyzǵa qaita zertteý jumystary júrgizilip, el esinde qalǵan erlerdiń esimi qaǵazǵa túsip, halyq arasynda keńinen nasihattalýda.
Qazirgi tańda jastar arasynda ulttyq oiyndarymyz ben salt-dástúrlerimizge degen qyzyǵýshylyq joǵary. Máselen, «Rýhani jańǵyrý» aiasynda elimizdiń birqatar mektepterinde asyq úiirmeleri, synyptary ashylǵan.
Prezident óz maqalasynda «Biz zamanaýi mádenietimizdiń qandai ókilderi álemdik arenaǵa jol tartýy kerektigin anyqtap alýymyz kerek. Ulttyq mádenietimizdiń ozyq úlgilerin iriktep alǵannan keiin shetelderde olardy tanystyrý rásimderin ótkizemiz» dep ulttyq mádenietimizdiń mańyzdylyǵyn atap ótti. Sondyqtan, búginnen bastap qundy dúnielerimizdi túgendep, ony saqtap joldaryn qarastyrýymyz kerek. Bul bastamanyń erekshe úlgisin – Ekspo-2017 Halyqaralyq kórmesinen kórdik. Onda álemniń júzden astam eline qazaqtyń mádenieti keńinen tanystyryldy. Kelgen qonaqtar kiiz úide otyryp, et jep, qymyzdan dám tatty. Kókparymyzdy tamashalap, salt-dástúrimizdi saqtady. Az ýaqyttyń ishinde qanat jaiǵan ásem Astanamyzǵa tańdai qaqty.
Shymkenttiń 2020 jyly TMD-nyń mádeni astanasy atanǵany da beker emes. Kóne qala – rýhaniiat pen mádeniettiń ordasyna ainalyp keledi. Qaladaǵy kórkemsýret galereiasy, ázil-syqaq jáne satira teatry, tsirk, kórme ortalyǵy osynyń dáleli. Al ádet-ǵuryp jáne salt-dástúr ortalyǵy men tarihi-ólketaný murajaiy naǵyz mádeniet ordasyna ainalǵan. Aldaǵy ýaqytta kúngei halqy da sheteldikterge Shymqalanyń shyraiyn ǵana emes, mádeni murasyn da jan-jaqty tanystyratyn bolady. Memleket basshysy N.Nazarbaevtyń taǵy bir erekshe toqtalǵany – ulttyq kod. Ulttyq kod – qazaqylyǵymyzdyń aiǵaǵy. Tek qazaq halqyna tiesili ádet-ǵuryp, jer-tas, sýy jalpy alǵanda árbir dúniesi sanamyzdyń túkpirinde jatýy tiis. Al olardyń qaita jańǵyryp, árqashan menmundalap turýy úshin joǵaryda aityp ótken bastamalarǵa erekshe mán berý kerek. Bul tehnologiialyq jahandanýda, mádenietter toǵysqan zamanynda ózimizdiń tekti, taza bolmysymyzdy saqtap qalatyn kodymyz bolady.
«Nur Otan» partiiasy da Elbasy maqalasynda usynǵan tyń jobalardy júzege asyrý jumystaryn qarqyndy júrgizýde. Jýyrda N.Nazarbaev «Nur Otan» partiiasynyń keńeitilgen otyrysynda «Biyl «Nur Otan» partiiasynyń qurylǵanyna 18 jyl bolady. Bul adam ómiriniń ólshemindegi alǵashqy kámelettik jas bolyp sanalatynyn bilesizder. Osy ýaqyttyń ishinde partiiamyz shynyǵyp, shyńdalyp, elimizdegi eń úlken saiasi kúshke ainalǵany belgili. Qurylǵan kúnnen bastap barlyq eldik isterdiń basy-qasynda bolyp kele jatyr» degen bolatyn.
Qazir partiianyń bastamasymen elimizdiń búkil aimaqtarynda mádeni muralardy qalpyna keltirý, ulttyq qundylyqtardy nasihattaý, «Rýhani jańǵyrýdy» talqylaýǵa arnalǵan is-sharalar ótkizilýde. «Nur Otan» partiiasy Shymkent qalalyq filialy latyn qarpine kóshý, ulttyq kod, salt-dástúrler tóńiregende túrli jiyndar uiymdastyryp, turǵyndardy tolǵandyrǵan máselelerdi sheshýge atsalysyp keledi. Máselen, qaladaǵy 11 shaǵynaýdannyń isten shyqqan sý qubyrlaryn qalpyna keltirýge qol ushyn sozdy. Sonymen qatar, túrli toptaǵy múgedekterdiń dári-dármekterin alyp berýge, aýlalardaǵy jóndeý jumystaryn júrgizýge muryndyq bolýda.
Taǵy bir erekshe atap óter jait, «Nur Otan» partiiasy buqaralyq sportty damytý arqyly, salaýatty urpaq qalyptastyrýǵa erekshe kóńil bólýde. N.Nazarbaev «Sport – eldiń mereiin asyryp, abyroiyn tasytatyn sala» degen. Al buqaralyq sportta keń taraǵan jáne eń kóp uiymdastyrylatyn oiyn túri – fýtbol. Osyǵan orai, «Nur Otan» partiiasy OQO fýtbol mektebimen birlesip jyl saiyn dástúrli túrde halyqaralyq, oblystyq týrnirlerdi ótkizip keledi. Oǵan kórshiles Ózbekstan, Qyrǵyzstan, Túrkimenstan jáne elimizdiń túkpir-túkpirinen kelgen talantty sportshylar qatysady. Olar Shymkentke kelip, tek dop qýalap qana qoimai, qalamyzdyń kórikti jerlerin aralap, qazaq halqynyń tarihynan syr shertetin oryndarǵa saiahat jasaidy.
Qalai desek te, «Bolashaqqa baǵdar: rýhani jańǵyrý» baǵdarlamasy aldaǵy maqsattarymyzdy aiqyndap, betkeustar baǵytymyzdy kórsetip berdi. Endi joǵaryda aityp ótkenimizdei ulttyq bolmysymyzdy saqtai otyryp, jańa zamanǵa beiimdelýimiz qajet. Sonda ǵana, sanasy jańǵyrǵan, bolashaǵyna senimdi, táýelsizdigi máńgilik elge ainalamyz.
Ermek DARMENOV,
«Nur Otan» partiiasy Abai aýdandyq filialynyń tóraǵasy,
Shymkent qalalyq máslihatynyń depýtaty
