Shymkent qalasyndaǵy A.S.Pýshkin atyndaǵy oblystyq ámbebap-ǵylymi kitaphanasy men oblystyq ázil-syqaq jáne satira teatry birlesip, kórnekti qoǵam qairatkeri Qazybek bi Keldibekulynyń týǵanyna 350 jyl tolýyna orai mádeni is-shara uiymdastyrdy, dep habarlaidy Ult.kz tilshisi.
Is-shara Keńes Jumabekovtiń «Qaz daýysty Qazybek bi» sahnalyq qoiylymymen bastaldy. Jaýgershilik zamandaǵy tarihi oqiǵalar jelisinde órbigen dramalyq kóriniste Qaz daýysty Qazybek bidiń jastyq shaǵy, el men eldi tatýlastyrǵan bitimgerligi, sóz marjanyn tergen danalyǵy beinelendi.
«Qazaq halqynyń basynan talai náýbet jyldar ótti. Biraq sol kezderde qalyń tobyrǵa jutylmai, ulttyń saqtalyp qalýyna úles qosqan úsh bidiń alatyn orny erekshe. Tóle, Qazybek, Áiteke bilerdiń danalyqqa toly sheshendik sózderi – búgingi urpaq úshin asyl qazyna. Elbasymyz ulttyq kodymyzdy umytpai, ótkenniń ónegesin, ulylardyń ulylyǵyn ala otyryp, kemel keleshekti jasaýdy tapsyrdy. Qaz daýysty Qazybek bidiń tarihtaǵy orny men qairatkerligi, eli úshin atqarǵan jumystaryn dáriptep, jastarǵa nasihattaý bizdiń basty maqsatymyz» dedi jiynda «Bolashaqqa baǵdar: rýhani jańǵyrý» baǵdarlamasyn júzege asyrý jónindegi Ońtústik Qazaqstan oblysy boiynsha jobalyq keńseniń bas menedjeri Áliia Bibolatova.
Joǵary oqý oryndarynyń stýdentteri men ziialy qaýym ókilderi qatysqan keshte kitaphana qyzmetkerleri Qazybek bi Keldibekulynyń sheshendik sózderinen ádebi kompozitsiia oryndasa, Sh.Qaldaiaqov atyndaǵy oblystyq filarmoniianyń ánshileri óz ónerlerin kórsetti.
