QR Mádeniet jáne sport ministrliginiń uiymdastyrýymen «Ádebiet portalynda» onlain túrde I «Rýh» halyqaralyq ádebi konkýrsy jariialanyp otyr.
Atalǵan konkýrs QR Prezidenti Nursultan Nazarbaevtyń «Bolashaqqa baǵdar: rýhani jańǵyrý» maqalasynda kóterilgen máselelerdi júzege asyrýǵa atsalysý, qazaq ádebietin álemdik deńgeide nasihattaý, qazaqstandyq jáne sheteldik qalamgerler arasynda ózara bailanys ornatý, ulttyq sanany jańǵyrtýdaǵy ádebiettiń rólin arttyrý, jas urpaqtyń boiynda tól ádebietimizge degen qyzyǵýshylyqty kúsheitý, aqyn-jazýshylardyń qoǵamdaǵy bedelin arttyryp, ulttyq sanany jańǵyrtýdaǵy qalamgerlerdiń rólin nyǵaitýdy kózdeidi.
Konkýrstyń júldesi qomaqty jáne tómendegi nominatsiialar boiynsha jariialanyp otyr:
- proza janry boiynsha: roman, povest – Gran-pri - 2 mln. teńge; 1 oryn – 1 mln. teńge;
- proza: áńgime, esse – Gran-pri - 2 mln. teńge; 1 oryn – 1 mln. teńge;
- poeziia: poema – Gran-pri – 2 mln. teńge; 1 oryn – 1 mln. teńge;
- poeziia: toptama óleńder – Gran-pri – 2 mln. teńge; 1 oryn – 1 mln. teńge;
- dramatýrgiia – Gran-pri – 2 mln. teńge; 1 oryn – 1 mln. teńge;
- ádebi syn – Gran-pri – 2 mln. teńge; 1 oryn – 1 mln. teńge;
- poeziia (balalarǵa arnalǵan óleńder) – Gran-pri – 2 mln. teńge; 1 oryn – 1 mln. teńge;
- proza (balalarǵa arnalǵan prozalyq shyǵarmalar) – Gran-pri – 2 mln. teńge; 1 oryn – 1 mln. teńge.
Konkýrsqa qatysýǵa qoiylatyn talaptar men qatysýdy resimdeý, konkýrs nátijesin qorytyndylaý týraly sharttarmen «Ádebiet portalynyń» (http://adebiportal.kz/kz/ruh) «Arnaiy jobalar» aidarynan egjei-tegjeili tanysa alasyz.
Dástúrli túrde ótiledi dep josparlanyp otyrǵan konkýrstyń biylǵy qabyldaý merzimi tyǵyz (5-jeltoqsanǵa) ekendigin eskere otyryp, júldeden dámeli qalamgerlerdiń shiraq qimyldaýlaryn suraimyz!
Qalamy júirik, talǵamy biik, talanty kemel qalamgerler qaýymy!
Rýhymyzdy asqaqtatyp, rýhani jańǵyrýǵa úles qosar súbeli týyndylaryńyzdy joldaýǵa asyǵyńyzdar!
