Kórneki sýret: ©️ Tengrinews.kz / Turar Qazanǵapov
Rýdnyidaǵy Sokolov-Sarybai taý-ken baiytý óndiristik birlestigi aýmaǵynda jumysshy qaza tapty, - dep habarlaidy Tengrinews.kz saity Alau.kz saityna silteme jasap.
Qazaqstandyqtar messendjerlerde jumysshy burǵymen jumys istep jatqanda elektr toǵy soǵyp qaza bolǵany týraly aqparat taratyp jatyr.
"SSKÓB" AQ baspasóz qyzmeti jaǵdaiǵa qatysty pikir bildirdi.
"SSKÓB" aýmaǵynda temirbeton edendi bólshekteý jumystaryn júrgizý kezinde merdiger mekeme qyzmetkeri oqys oqiǵaǵa ushyrady. "SSKÓB" AQ ujymy men basshylyǵy marqumnyń otbasyna kóńil aitady. Oqiǵa boiynsha tergeý amaldary júrgizilip jatyr", - delingen habarlamada.
Sokolov-Sarybai taý-ken baiytý óndiristik birlestigi – Qazaqstandaǵy eń iri temir rýdasyn óndiretin jáne óńdeitin kásiporyn.
