Rýdnyi qalasyndaǵy janarmai quiý beketiniń mańyna tastalǵan jańa týǵan sábidiń anasy tabyldy, dep habarlaidy "Ult aqparat" oblystyq IID baspasóz qyzmetine silteme jasap.
Rýdnyi qalasynyń politseileri bezbúirek ananyń kim ekenin anyqtady. Qazirgi ýaqytta tergeý sharalary júrip jatyr.
«Rýdnyi qalasyndaǵy janarmai beketiniń mańynan tabylǵan náresteniń anasyna qatysty QR QK «Qaýipti jaǵdaida qaldyrý» baby boiynsha sotqa deiingi tergep-tekserý sharalary bastaldy», - deidi oblystyq IID baspasóz hatshysy Irina Bejenar.
Buǵan deiin habarlaǵanymyzdai, 9 qyrkúiekte saǵat 22.25-te Sandrigailo kóshesindegi janarmai quiý beketiniń janynan jańa týǵan náreste tabyldy.
Qyz balany anasy janarmai stansasynyń artqy jaǵyndaǵy aǵashtardyń arasyna tastap ketken. Qazir náreste Rýdnyi qalalyq perinataldy ortalyǵynda jatyr. Jaǵdaiy birqalypty.
