Rýdnyi taý-ken jáne tehnologiialyq kolledjiniń stýdentteri ashanada ishken túski astan keiin jappai aýrýhanaǵa jatqyzyldy, - dep habarlaidy Tengrinews.kz tilshisi.
Rýdnyi taý-ken tehnologiialyq kolledjinde stýdentter jappai ýlandy. Jergilikti ashanada túski as ishken 70-ten asa stýdent júregi ainyp, qusqysy kelgenine shaǵymdanyp qalanyń meditsina mekemelerine júgingen.
"Mázirde sorpa, salat jáne kompot boldy. Stýdentter taǵamnyń dámdi bolǵanyn aitty. Túski ishkennen keiin 3-4 saǵat ótken soń júrekteri ainyp, ishekteri aýyra bastaǵan. Bul ashanadan barlyq balalar tegin tamaqtanady. Kolledjge azyq-túlki jetkizýshiler tek 29 naýryzdan bastap jumys istep jatyr, osyǵan deiin olarǵa eshqandai shaǵym túsken joq", - deidi kolledj direktory Qaisar Qaneshov.
Kolledj ashanasy ornalasqan eki qabatty ǵimarat qazir jabyq. Keshe ashanadan barlyǵy 100-den astam oqýshy tamaqtanǵan. Meditsinalyq kómekke 35 adam júgindi, onyń 14-i aýrýhanaǵa jatqyzylǵan.
""Jedel gastroenterit" diagnozymen 14 adam aýrýhanaǵa jatqyzyldy, qalǵandaryna ambýlatoriialyq emdeý taǵaiyndaldy. Rýdnyi qalasynyń politsiia basqarmasymen qozǵalǵan qylmystyq is aiasynda Qostanai oblysynyń sanitarlyq-epidemiologiialyq baqylaý departamenti aýmaqtyq sanitarlyq-epidemiologiialyq baqylaý basqarmasymen birlesip, jeke tulǵa S_SALTA JShS jalǵa alǵan "Rýdnyi taý-ken tehnologiialyq kolledji" KMQK ashanasyn jospardan tys tekserýdi bastady", - dep habarlady sanitariia dáriger.
Mamandar zerthanalyq zertteýler úshin ónimniń, sýdyń, shaiyndylardyń synamalaryn aldy jáne ashana qyzmetkerlerin tekserdi, zertteý nátijeleri áli shyqqan joq. Stýdentterdiń jaǵdaiy ortasha aýyr dep baǵalanady.
