Rýdnyida janyp jatqan bes qabatty úidiń 30 turǵynyn qutqarǵan politseiler medaldarmen marapattaldy, dep habarlaidy "Ult aqparat" Polisia.kz saityna silteme jasap.
Ishki ister ministri Erlan Turǵymbaevtyń buiryǵymen Rýdnyi qalalyq Politsiia basqarmasynyń qyzmetkerleri Jánibek Ǵyilymhanov pen Nurbek Esqabyl «Quqyq tártibin qamtamasyz etýge qosqan úlesi úshin» medalimen marapattaldy.
Eske sala keteiik, 4 tamyz kúni bes qabatty úidegi órt kezinde politsiia qyzmetkerleri turǵyndardy evakýatsiialap, qutqarǵan. Olardyń arasynda úsh ailyq bala bar. Jánibek Ǵyilymhanov úshinshi qabattyń balkonynda balasyn qushaqtap turǵan áieldi baiqap qalady. Politseidiń aitýy boiynsha, eger ol balany kireberiske kirgizse, ol qoiý tútinge tunshyǵyp qalýy múmkin. Sondyqtan, sábidi qutqarý úshin Jánibek tómengi qabattyń balkonynan úshinshi qabattyń balkonyna kóterilgen.
– Shaqalaqtyń anasy qatty qorqyp qalǵan, biraq men sabyrǵa shaqyryp, balany qulatyp almaitynymdy aittym. Ol maǵan nárestesi oralǵan jamylǵyny berdi. Úi turǵyndarynyń biriniń kómegimen biz balany túsirip aldyq. Ári qarai páter turǵyndaryn balkonnan shyǵara bastadym , – deidi sol kúngi oqiǵany eske alǵan politsei.
