Búgin Rýdnyida 41 jastaǵy áiel tórtinshi qabattyń balkonynan qulap mertikti, dep habarlaidy QazAqparat.
Bul jaiynda Qostanai oblystyq politsiia departamentiniń baspasóz qyzmeti málimet taratty.
Oqiǵa ornyna tez jetken politsiia qyzmetkerleri áielmen birge turatyn erkekten jaýap alyp, oqys jaǵdaidyń qalai bolǵanyn anyqtady.
«Onyń aitýynsha, ekeýi birge spirtti ishimdik ishkennen keiin 41 jastaǵy áiel úiden syrtqa shyǵýǵa tyrysqan, alaida erkek ony jibermegen. Janjal balkonda jalǵasqan. Sol kezde áiel balkonnan qulap ketken», - dep túsindirdi politsiianyń baspasóz qyzmeti.
Qazir zardap shekken áiel aýrýhanada jatyr. Er adam jaǵdaidyń egjei-tegjeii anyqtalǵansha qamaýǵa alyndy.
