Jetkizý qubyryndaǵy apat saldarynan Rýdnyidaǵy 33 kópqabatty úi men bir mektepke jylý berý toqtatyldy, - dep habarlaidy Tengrinews.kz agenttigi.
Rýdnyi qalasynyń turǵyndary jylýsyz qaldy. Turǵyn Tatiana Mamaeva úide balasy aýyryp jatqanyn, onyń ústine, qazir páterde jylý joq ekenin aitty.
"Tańerteńnen beri jylý joq. Jylytqysh qostyq, balany qalyń kiindirip qoidyq. Búgin jylý óship qaldy, oǵan deiin batareialar áreń jylyp turǵanyn aityp, qansha ret telefon soqtyq", - deidi Rýdnyi qalasynyń turǵyny.
Bul apattan bólek, Shevchenko kóshesi, 116-da qubyr jarylǵan, ondaǵy 13 jekemenshik úi jylýdan ajyratyldy. Apat ornyn tabý úshin qazý jumystary júrip jatyr.
"Qazirgi ýaqytta apatty anyqtaý jáne joiý maqsatynda magistral jelilerde jumystar júrgizilip jatyr, ol búgin aiaqtalady, 5 tehnika men jóndeý brigadasy jumys istep jatyr, jylý jelileriniń basshylyǵy apat ornynda (jelilerdiń tozýy shamamen 70-80 paiyz)", - dedi Rýdnyi ákimdigi ókilderi.
