جەتكٸزۋ قۇبىرىنداعى اپات سالدارىنان رۋدنىيداعى 33 كٶپقاباتتى ٷي مەن بٸر مەكتەپكە جىلۋ بەرۋ توقتاتىلدى, - دەپ حابارلايدى Tengrinews.kz اگەنتتٸگٸ.
رۋدنىي قالاسىنىڭ تۇرعىندارى جىلۋسىز قالدى. تۇرعىن تاتيانا ماماەۆا ٷيدە بالاسى اۋىرىپ جاتقانىن, ونىڭ ٷستٸنە, قازٸر پەتەردە جىلۋ جوق ەكەنٸن ايتتى.
"تاڭەرتەڭنەن بەرٸ جىلۋ جوق. جىلىتقىش قوستىق, بالانى قالىڭ كيٸندٸرٸپ قويدىق. بٷگٸن جىلۋ ٶشٸپ قالدى, وعان دەيٸن باتارەيالار ەرەڭ جىلىپ تۇرعانىن ايتىپ, قانشا رەت تەلەفون سوقتىق", - دەيدٸ رۋدنىي قالاسىنىڭ تۇرعىنى.
بۇل اپاتتان بٶلەك, شەۆچەنكو كٶشەسٸ, 116-دا قۇبىر جارىلعان, ونداعى 13 جەكەمەنشٸك ٷي جىلۋدان اجىراتىلدى. اپات ورنىن تابۋ ٷشٸن قازۋ جۇمىستارى جٷرٸپ جاتىر.
"قازٸرگٸ ۋاقىتتا اپاتتى انىقتاۋ جەنە جويۋ ماقساتىندا ماگيسترال جەلٸلەردە جۇمىستار جٷرگٸزٸلٸپ جاتىر, ول بٷگٸن اياقتالادى, 5 تەحنيكا مەن جٶندەۋ بريگاداسى جۇمىس ٸستەپ جاتىر, جىلۋ جەلٸلەرٸنٸڭ باسشىلىعى اپات ورنىندا (جەلٸلەردٸڭ توزۋى شامامەن 70-80 پايىز)", - دەدٸ رۋدنىي ەكٸمدٸگٸ ٶكٸلدەرٸ.
