Foto: Instagram/myizrudnogo_
Rýdnyi qalasynda kýáger turǵyndardy politsiianyń ustaý barysyn beinejazbaǵa túsirip aldy. Bul Jeli qoldanýshylarynyń ashýyn keltirgen, - dep habarlaidy Tengrinews.kz.
Instagram áleýmettik jelisindegi myizrudnogo-paraqshasynda jariialanǵan videoda politsiia qyzmetkerleriniń er adamdardy uryp-soǵyp, jerge qulatyp quryqtamaq bolyp jatqanyn kórýge bolady. Bul jurttyń narazylyǵyn týdyrdy.
"Quqyq qorǵaý organdary tarapynan bulai jasaýǵa bolady ma? Jigitterdiń eshqaisy qarsylyq kórsetpedi, ashý shaqyrmady. Kerisinshe, politsiia qyzmetkerleri ózderin jónsiz ustaidy! Politseiler shabýyldap, uryp, qylqyndyrý ádisin qoldanyp, ustap jatyr. Bulai bola ma? ShOK! Ol ádeii tepti. Bulary quzyretin asyra paidalaný. Tártip saqshylary tarapynan tártipsizdik. Bul jerde qamaýǵa alý emes, quzyretin asyra paidalaný ekeni anyq. Politsiianyń uryp-soǵýy. Jazany tek araq ishkender ǵana emes, politsiia qyzmetkerleri de kóterýi kerek", - dep jazdy jeli qoldanýshylary jazbanyń astyna pikir qaldyryp.
Qostanai oblysynyń Politsiia departamenti oqiǵaǵa qatysty pikir bildirdi.
31 qańtarda saǵat 17.30-da patrýldeý kezinde politsiia qyzmetkerleri qalalyq monsha janynda spirttik ishimdik ishken eki adamǵa nazar aýdarǵanyn habarlady. Qoǵamdyq tártipti óreskel buzý faktisin boldyrmaý úshin politseiler zańsyz áreketterdi toqtatýdy talap etti.
"Qazirgi ýaqytta Rýdnyi qalasy basqarmasy QR QK-niń 380-baby "Bilik ókiline qatysty zorlyq-zombylyq áreketteri" boiynsha sotaldy tergep-tekserýdi bastady. Sonymen qatar, tergeý sheńberinde birden qoǵamdyq tártipti buzýshylardy ustaý kezindegi politsiia qyzmetkerleriniń is-áreketteriniń zańdylyǵyna quqyqtyq baǵa beriledi", - delingen habarlamada.
