Foto: ashyq derekkóz
8 qarasha kúni saǵat 02:00 shamasynda Toporkov kóshesinde bolǵan jylý jelilerindegi apatqa bailanysty Rýdnyi qalasy ákimdigi aqparat berdi.
"Saǵat 8:30-da jarylǵan jerleri jóndelip, qubyrlar jumys istei bastady. Jeke sektordaǵy barlyq 198 abonent jylýmen qamtyldy. Saǵat 6:00-de Stroitelnaia kóshesindegi jeke sektordyń oramishilik taratý jelileri zaqymdanyp, 27 abonent jylýdan ajyratyldy. Jóndeý jumystaryna 11 adam, 3 birlik tehnika jumyldyrylǵan. Saǵat 12.00-ge deiin jylý júiesi qalpyna keltiriledi. Apat saldaryn joiý Rýdnyi qalasy ákimdiginiń baqylaýynda",-delingen habarlamada.
Sońǵy eki jylda Rýdnyi qalasynda 16,5 mlrd teńgeden astam somaǵa 33,8 km jylý jelileri jóndelgen.
