Belgili ánshi basynan ótken bir jaisyz jaǵdaidy baiandap berdi. Aitýynsha, gástróldik saparda júrgen kezinde densaýlyǵy syr berip, murny bitelip qalǵan. Dese de, ol óziniń syrqattanyp turǵanyna qaramastan, fonogrammamen án aitýdan bas tartqan eken. Bul týraly "Sobesednik" basylymy jazdy.
Roza Rymbaeva búginde kún saiyn gástróldik saparda júretinin aitady. Sondai-aq, ol eshýaqytta fonogrammamen án aityp kórmegenin jetkizdi. Ózin osy áreketi úshin erekshe maqtan tutady eken.
"Sahnada turyp qury aýzymdy jybyrlatsam, jer astyna kireiin. Biraq, muny bildirmei jasaityn ártister bar. Bizde bul istiń naǵyz sheberleri turady! Men olardyń qataryna kirmeimin", — deidi ol.
Sondai-aq, juldyz densaýlyǵy syr berip tursa da, fonogrammamen án aitýdan bas tartady eken. Buǵan sebep te joq emes.
"Birde gástróldik saparda júrip, allergiiam qozyp, murnym bitelip qaldy. Dárigerge baryp ózime ne bolǵanyn suradym. Ol kómeiime qarap turyp "Rozatai, sizde allergiia. Bizde zaýyttar qaldyqtaryn aýaǵa jiberedi, sizge sol jaqpai jatyr" dedi. Maǵan sol sátte fonogrammamen án salýdy usyndy. Biraq men bas tarttym. Án aitqanda daýysym minsiz bolǵanmen, keiin sóilegende murnymnyń bitelip turǵany baiqalyp qalady emes pe? " — deidi ánshi.
