Qyrǵyz Respýblikasynyń kóshpeli kezeńinde Prezident bolǵan Roza Otynbaeva Qasym-Jomart Toqaevtyń birinshi sanatty diplomat ári saiasatker retinde sipattady, dep habarlaidy QazAqparat.
«Eńserý» derekti filmi barysynda qyrǵyz saiasatkeri Qazaqstan Prezidentiniń joǵary biliktiligi men mol diplomatiialyq tájiribesin atap ótedi.
«Qasym-Jomart Toqaev klassikalyq bilim alǵan óte bilikti maman, diplomat. Joǵary diplomatiianyń qyr-syryn biletin adam. Ol álemdegi eń myqty diplomatiialyq mektepterdiń birinde jumys istedi. Ol sol bir kezeńdegi sýperderjava Keńes Odaǵy Syrtqy ister ministrliginiń keńesin jáne búgingi Resei SIM-in biledi. Búginde Sergei Lavrovtan bastap olardyń barlyǵy da eńbek etip júr. Bul onyń basymdyǵy. Ol bul salany, sol mektepti, memlekettegi diplomatiianyń mańyzyn, onyń ústine «A» áripinen bastap negizgi qalanǵan memlekettiń qalyptasýyn jetik biledi», - dedi Roza Otynbaeva.
Sonymen qatar ol Qazaqstanǵa birinshi basshy sailaýda joly bolǵandyǵyn aitady.
«Menińshe, Qazaqstan diplomatiiasynyń jáne syrtqy saiasi maidanynyń qalyptasý bastaýynda Qasym-Jomart Kemeluly syndy joǵary sanatty, joǵary qasietti mamannyń turýy arqyly joly boldy. Árine, ol Elbasynyń, Tuńǵysh Prezidenttiń senimdi seriktesi de bola bildi. Óitkeni, Qazaqstan aiaǵyna endi turyp, jańa eldiń negizgi relsin tóseý barysynda bul maidan óte mańyzdy edi», dedi qyrǵyz saiasatkeri.
