Foto: Gov.kz
QR Mádeniet jáne aqparat ministrliginiń qoldaýymen belgili jazýshy, dramatýrg, Qazaqstannyń eńbek sińirgen qairatkeri, Qazaqstan Respýblikasynyń Abai atyndaǵy memlekettik syilyǵynyń laýreaty, Frants Kafka medaliniń iegeri, professor Roza Muqanovanyń 60 jas mereitoiyna arnalǵan «Roza Muqanova shyǵarmashylyǵy: ádebiet, teatr, kino» halyqaralyq ǵylymi-praktikalyq konferentsiiasy ótti, dep habarlaidy Ult.kz.
Is-sharada QR MAM Arhiv, qujattama jáne kitap isi komitetiniń tóraǵasy Rýstam Áli ministr Aida Balaevanyń quttyqtaý hatyn tabys etti.
«Roza Qajyǵalymqyzy – qazaq prozasy men dramatýrgiiasyna ózindik qoltańbasyn qaldyryp, oqyrmannyń júregine jol tapqan qalamger. Búgingi is-shara – Roza Qajyǵalymqyzynyń ádebiet, teatr, kino jáne pedagogikadaǵy jarqyn jolyn tereńinen tanýǵa múmkindik beredi dep senemin»,– delingen ministrdiń quttyqtaý hatynda.
Foto: Gov.kz
Konferentsiiaǵa Qazaqstan Respýblikasynyń memleket jáne qoǵam qairatkerleri, belgili ádebiettanýshylar, kinoteledramatýrgter, kinotanýshylar men teatrtanýshylar, ónertanýshylar jáne sheteldik ǵalymdar, ádebiet jáne óner qairatkerleri qatysty.
Konferentsiia aiasynda Roza Muqanovanyń shyǵarmashylyǵy negizinde túrik tilinde jazylǵan Sabina Saidtyń kitaby men ujymdyq monografiia jáne fotokórmeniń tusaýkeseri ótti. Sonymen qatar Satybaldy Narymbetovtiń Roza Muqanovanyń áńgimesi negizinde túsirilgen «Qyzjylaǵan» filmi kórsetildi.
Foto: Gov.kz
Is-shara barysynda konferentsiia qatysýshylaryna QR Ulttyq arhiviniń uiymdastyrýymen «Rozanyń ádebiet álemi» atty jeke qorynan qujattar kórmesi usynyldy. Kórmede jazýshynyń jýrnalistika mamandyǵy boiynsha diplomdary, kýáligi men marapat qujattary jáne «Qyzjylaǵan», «Máńgilik bala beine», «Mýza» syndy taǵy da basqa dramalarynyń qoljazbalary, teatrlyq afishalar, ákesi Qajyǵalym Muqanovtyń qoljazbalary, otbasylyq fotosýretteri tanystyryldy.
