Iran prezidenti Hassan Roýhani Vashingtondy AQSh eger 2015 jyly Tegeran men álemdik derjavalar arasynda jasalǵan iadrolyq kelisimdi buzatyn bolsa, oǵan "ókinetinin" málimdedi, dep jazady Azattyq.
"Biz kelisimdi birinshi bolyp buzbaq emespiz, biraq olar kelisimdi buzatyn bolsa, onysyna ókinetinin anyq túisinýi tiis" dedi Roýhani 9 sáýirde Tegeranda Irandaǵy ulttyq iadrolyq tehnologiia kúnine arnalǵan konferentsiiada.
"Bz buǵan olar oilaǵannan da jaqsy daiynbyz jáne olar kelisimdi buzatyn bolsa, onyń saldaryn bir apta, tipti odan da az ýaqytta kóredi" dedi Hassan Roýhani.
AQSh prezidenti Donald Tramp buǵan deiin eger 12 mamyrǵa deiin Tegerannyń iadrolyq jáne zymyran baǵdarlamalaryna jańa shekteýler salynbasa, onda AQSh kelisimnen shyǵyp, Iranǵa qarsy sanktsiialardy qaita salatynyn eskertken.
"Bul djentelmenniń AQSh biligine kelip, talap qoiyp júrgenine jáne túrli pikir aityp, qubylmaly minez kórsetip júrgenine 15 ai boldy" dedi Iran prezidenti. Ol sonymen qatar "kelisim irgetasynyń beriktigi sondai, 15 ai boiǵy qysymǵa qaramastan onyń qurylymy esh ózgermegenin" aitty.
Tegeran men álemdik alty derjava 2015 jyly jazda Irannyń iadrolyq baǵdarlamasyn toqtatyp, esesine bul elge salynǵan ekonomikalyq sanktsiialardy joiý jóninde kelisim jasasqan.
