Halyqaralyq ǵarysh stantsiiasynyń Reseige tiesili bóligindegi qural-jabdyqtyń eskirýi 2024 jyldan keiin qiyndyq týdyrady, - deidi "Roskosmos".
Jobaǵa qatysýshy elder arasynda HǴS-ty 2024 jylǵa deiin paidalaný kelisimi bar. Qazir ony 2028 jylǵa deiin sozý múmkindigi qarastyrylyp jatyr.
Resei ǵarysh agenttigi "Roskosmostyń" ǵylymi-tehnikalyq keńesi jańa stantsiia jobasyn ázirleýdi jáne oǵan federaldyq ǵarysh baǵdarlamasynyń keskinin qosýdy usyndy.
"Roskosmos" bolsa, ǵarysh salasyndaǵy kásiporyndarǵa qairylyp, jańa stantsiia paida bolǵansha HǴS-tiń Reseige tiesili bóliginde qaýipsizdikti qamtamasyz etýge qoldaý bildirýdi tapsyrdy.
Senbi, 31 shilde kúni reseilik "Ǵylym" modýli jumysqa tolyq ázirlenip, onyń ishine ǵarysh ekipajy kirdi.
"Ǵylym" zerthanalyq modýli – Reseidiń ǵarysh salasyndaǵy eń uzaq daiyndalǵan jobasy. Bastapqyda ol 2007 jyly iske qosylýy kerek bolǵan. Biraq jobanyń aiaqtalýy keiinge shegerile berdi. Al 2017 jyly jobanyń jabylýyna sál qaldy. Degenmen, 2021 jylǵy 29 shildede Resei modýldi HǴS-ke qosa bildi.
Sáýirde Resei vitse-premeri Iýrii Borisov Reseidiń 2025 jyldan keiin HǴS-ten shyǵatynyn, óziniń jeke stantsiiasyn salatynyn málimdedi. "Roskosmos" basshysy Dmitrii Rogozin HǴS-tiń Reseige tiesili bóligi AQSh-qa usynylatynyn aitqan.
Halyqaralyq ǵarysh stantsiiasy jobasyna Resei, AQSh, Kanada, Japoniia jáne Eýropa ǵarysh agenttigi qatysyp otyr. Stantsiianyń orbitadaǵy montajy 1998 jyly bastalǵan. 2000 jyldan bastap stantsiiada turaqty ekspeditsiialar jumys istedi.
