Roskomnadzor Resei aýmaǵynda Facebook jelisin buǵattady, - dep habarlaidy Tengrinews.kz.
Roskomnadzor saityndaǵy málimet boiynsha, Facebook jelisin buǵattaý týraly sheshim 2022 jyldyń 4 naýryzynda qabyldanǵan.
Habarlamaǵa sensek, 2020 jyldyń qazan aiynan bastap Facebook tarapynan reseilik BAQ pen aqparattyq resýrstardy kemsitýdiń 26 jaǵdaiy tirkelgeni aitylady.
"Keiingi kúnderi áleýmettik jelige kirý myna basylymdarǵa shekteýli bolǵan: "RIA Novosti", Sputnik, Russia Today, "Lenta.rý" jáne "Gazeta.rý", - delingen habarlamada.
"Bul shekteýlerge №272-FZ "Resei Federatsiiasy azamattarynyń negizgi quqyqtary men bostandyqtaryn, quqyqtary men bostandyqtaryn buzýǵa qatysy bar adamdarǵa áser etý sharalary týraly" federaldyq zańymen tyiym salynǵan, onyń ishinde aqparatty erkin taratýdyń negizgi qaǵidalaryn buzýǵa jol bermeý jáne reseilik paidalanýshylardyń reseilik BAQ-qa sheteldik internet-platformalarda kedergisiz qol jetkizýi", - delingen saitta.
