Premer-Ministrdiń orynbasary Roman Skliar jumys saparymen Atyraý oblysyna bardy, onda balyq salasyn damytý boiynsha iri infraqurylymdyq jobalar men memlekettik baǵdarlamalardyń iske asyrylý barysyn tekserdi, dep habarlaidy "Ult aqparat" primeminister.kz-ke silteme jasap.
Roman Skliar men Atyraý oblysynyń ákimi «Aqtóbe-Atyraý-RF shekarasy» avtomobil jolyn qaita jańartý ýchaskelerine baryp, jaýapty memlekettik organdardyń basshylarynyń qatysýymen shuǵyl keńes ótkizdi. Merdiger uiymdar turaqty jumyspen qamtamasyz etý jónindegi sharalar, aldaǵy kezeńge arnalǵan josparlary týraly baiandady. Joldyń jalpy uzaqtyǵy 893 shaqyrymdy quraidy, onyń ishinde Atyraý oblysynyń aýmaǵy arqyly 545 shaqyrym jol ótedi. Premer-Ministrdiń orynbasary qurylys jumystaryn ýaqytyly ári sapaly aiaqtaý mindetin qoidy.
Oblysqa sapary barysynda R. Skliar turǵyn úi qurylysynyń barysymen tanysty. Turǵyn úidiń qoljetimdiligin jaqsartý maqsatynda aǵymdaǵy jyly munda 800 myń sharshy metr turǵyn úidi paidalanýǵa berý josparlanýda. Halyqty turǵyn úimen qamtamasyz etý «7-20-25», «5-10-20» memlekettik baǵdarlamalary arqyly iske asyrylady. Sondai-aq R. Skliar men ekologiia, geologiia jáne tabiǵi resýrstar ministri M. Myrzaǵaliev balyq sharýashylyǵy kásiporyndaryna bardy. Mysaly, Jaiyq-Atyraý bekire balyq ósirý zaýytynda Úkimet delegatsiiasy bekire balyqtaryn saqtaý jáne balyq ósirýdi qalpyna keltirý boiynsha jumystarmen tanysty. Munda jyl saiyn Jaiyq ózenine bekire tuqymdas balyqtardyń 3,5 mln shabaǵy shyǵarylady. Delegatsiia «Amangeldi» atyndaǵy JShS tsehynda boldy, onda táýligine 395 tonna balyq qaita óńdeledi jáne «Saѕriap Royal Fish» JShS bekire balyq ósirý zaýytyna bardy, onyń jobalyq qýaty jylyna 100 tonna taýarlyq balyq óndirisin quraityn bolady.
Úkimet delegatsiiasy tez salynatyn qurylys tehnologiiasy boiynsha modýldik bloktardan turǵyzylatyn 200 tósek-orynǵa arnalǵan jańa juqpaly aýrýlar aýrýhanasynyń qurylysyn tekserdi. Ǵimaratty naýqastardy diagnostikalaý, emdeý, meditsinalyq qyzmetkerler men patsientterdiń qaýipsizdigin qamtamasyz etý úshin zamanaýi jabdyqtarmen jaraqtandyrý josparlanýda. Sapar qorytyndysy boiynsha Roman Skliar qurylys jumystarynyń qarqynyn kúsheitýdi tapsyrdy jáne halyq úshin iske asyrylyp jatqan infraqurylymdyq jobalardyń sapasyn qamtamasyz etýdiń mańyzdylyǵyn atap ótti.
