QR Premer-Ministriniń orynbasary Roman Skliar Aqmola oblysynyń Qazaqstan men Reseidiń 17-shi óńiraralyq yntymaqtastyq forýmyn ótkizýge daiyndyǵy jáne jańa nysandardyń qurylysy, jergilikti mańyzy bar jol jelilerin salý barysymen tanysty, dep habarlaidy QR Úkimetiniń baspasóz qyzmeti.
Oblys basshylyǵy Kókshetaý qalasy áýejaiynyń qonaq úiin qaita jańartý, «Bolashaq Saraiy» atty qazirgi zamanǵy balalar men jasóspirimder saraiynyń, 9 qabatty kóppáterli 2 turǵynúidiń qurylysy jóninde baiandady.
Ainalmaly jolmen jańa jaǵalaýdy salý boiynsha qurylys jumystary tolyq júrip jatyr, munda Qopa kóliniń boiyndaǵy avtomobil jolynyń kópiri jáne qaraý alańy, balalar jáne sport alańdary, júgirý joldary jáne shaǵyn sáýlet nysandary bar jaǵajai aimaqtary salynady.
Úkimet delegatsiiasy barlyq nysandar qurylysynyń barysymen, «Dostyq» jáne «Kókshetaý» qonaqúileriniń nómirlik qorymen tanysty, sondai-aq, «Kazrost Engineering Ltd» JShS arqyly «Vektor» kombaindaryn óndiretin zaýytyna, «Agrimer-Astyk» JShS astyq óńdeý keshenine, «Aziiakotlomash» JShS bý jáne sý jylytý qazandyqtaryn shyǵaratyn zaýytqa, «Kaz Beef Processing» JShS et óńdeý kásipornyna bardy.
Roman Skliar qoiylǵan mindetterdi júzege asyrýdyń mańyzdylyǵyn atap ótip, belgilengen josparlardy oryndaý boiynsha birqatar naqty tapsyrmalar berdi. Qazaqstan men Resei aimaqaralyq yntymaqtastyǵynyń XVII forýmyn ótkizý eki eldiń saýda-ekonomikalyq qarym-qatynastaryn damytýǵa eleýli serpin beredi jáne biznes-qoǵamdastyqtardyń ózara is-qimyl aiasyn keńeitýge múmkindik beredi.
