Premer-Ministrdiń orynbasary Roman Skliar Túrkistan oblysyna jasaǵan jumys sapary barysynda sý basý saldarynan zaqymdalǵan turǵyn úilerdi, áleýmettik maqsattaǵy nysandardy qalpyna keltirý jumystarynyń barysyn tekserdi, dep habarlaidy "Ult aqparat" primeminister.kz-ke silteme jasap.
Roman Skliar men Túrkistan oblysynyń ákimi Ómirzaq Shókeev tótenshe jaǵdai saldaryn joiý jumysymen tanysyp, Tóle bi aýdanynyń aýyl turǵyndarymen kezdesti. Kezdesý barysynda zardap shekken eldimekenderdiń tynys-tirshiligin tez arada qalpyna keltirý úshin bilik tarapynan qabyldanyp jatqan sharalar týraly aityldy. Sondai-aq, Maqtaaral aýdanyndaǵy sý basqan aýmaqtardy aralap shyqty.
Sapar barysynda Myrzakent kentindegi jeke menshik turǵyn úilerdiń qurylysyn salýǵa bólingen 70 ga jer ýchaskesindegi jańa shaǵyn aýdanda júrgizilip jatqan qurylys jumystary tekserildi. Úkimet rezervinen turǵyn úi salý, injenerlik-infraqurylymdyq shyǵystardy qamtamasyz etý, sý qubyry jelilerin qaita jańartý jáne qalpyna keltirý, kólik infraqurylymyn qalpyna keltirý úshin qarajat kózdelgen.
Jańa shaǵyn aýdannyń qurylysyna 32 merdigerlik uiym tartylǵan, 313 úide qurylys jumysy bastaldy. Qurylys alańynda 900-ge jýyq qurylysshy men 70 arnaiy tehnika qurylys-montajdaý jumystaryn júrgizýde.
Roman Skliar zaqymdalǵan úilerdi, sý basqan aýmaqtardan sýdy sorý jumystarynyń qarqynyn tómendetpeýdi tapsyrdy.
