Almaty oblysyndaǵy jumys sapary barysynda Premer-Ministrdiń orynbasary Roman Skliar «Taldyqorǵan-Óskemen» jolynyń qurylys jumystarymen tanysty, - dep habarlaidy "Ult aqparat".
«Taldyqorǵan-Óskemen» jolynyń qurylys-montajdaý jumystary qarqyndy júrip jatyr. Jumystardy júrgizýge 1847 adam men 889 tehnika jumyldyrylǵan. Kúndelikti joldyń birneshe qabatyn tóseý men tegisteý jumystary atqarylyp, asfalt qabatyn tóseýge ázirlenýde. Sonymen qatar 14 sý ótkizý qubyrlary men 23 kópirdegi jumystardyń 50 % aiaqtaldy.
«Úsharal-Dostyq» joly boiynsha aitar bolsaq, joldyń 0-60 shaqyrymyn «Qyran» JShS salyp jatyr. Nysanda 265 adam jumys isteidi. 144 arnaiy tehnika tartylǵan. Búgingi kúnge joldy tegisteý maqsatynda 1170 myń tekshe metrden astam tas-topyraq jol qabattary tóselip, tegisteldi. Jol qurylysyna qajetti materialdardyń qajetti qory ázirlendi. Biyl jyl sońyna deiin joldyń 30 shaqyrymyn qoldanysqa berý josparlanyp otyr. Kólik qatynasyn úzbeý maqsatynda 21 shaqyrymdyq ýaqytsha ainalma jol salyndy.
Osy joldyń 60-120 shaqyrymy aralyǵyndaǵy jol qurylysyn «ABK-Avtodor NS» JShS júrgizýde. Qurylys jumystaryna 115 tehnika jáne 239 adam jumyldyrylǵan. Ýaqytsha paidalaný úshin 20 shaqyrymdyq ainalma jol salynǵan. Qosymsha 10 shaqyrym ainalma jol salý jumystary júrgizilýde. Qazirgi ýaqytta jol boiyndaǵy jerlerdi rásimdeý men karerlerdi paidalanýǵa ruqsat beretin qujattar daiyndalyp jatyr. 27 sý ótkizý qubyrlarynyń temir-beton qurylǵylary ornatyldy.
Joldyń 120-180 shaqyrymynda aǵymdaǵy jyldyń 01-tamyzynda ainalma jol salý jumystary bastaldy.
Vitse-premer R.Skliar jol qurylysy jumystaryn sapaly júrgizip, belgilengen merzimde aiaqtaýdy tapsyrdy.
