Foto:t.me/UKIMET
QR Premer-ministriniń birinshi orynbasary Roman Skliar «Shevron» korporatsiiasy Eýraziia bólimshesiniń basqarýshy direktory Derek Magness myrzamen kezdesý ótkizdi. Oǵan QR energetika ministri Erlan Aqkenjenov jáne «QazMunaiGaz» UK» AQ basqarma tóraǵasy Ashat Hasenov qatysty, dep habarlaidy Ult.kz QR Úkimetiniń resmi Telegram-kanalyna silteme jasap.
Kezdesý barysynda taraptar munai-gaz salasyndaǵy ekijaqty yntymaqtastyqtyń qazirgi jaǵdaiy men keleshegin talqylady.
Kelissózder kezinde Qazaqstan-Amerika energetikalyq seriktestiginiń flagmany sanalatyn Teńiz jobasyna erekshe nazar aýdaryldy.
Óz kezeginde Derek Magness Qazaqstandaǵy investitsiialyq ahýaldyń arqasynda Teńiz jobasy boiynsha mańyzdy óndiristik kórsetkishterge qol jetkizilgenin atap ótti. «Shevron» ókili retteýshi ortanyń boljamdylyǵyn jáne memlekettik organdarmen konstrýktivti is-qimyldy erekshe atap ótip, bul uzaqmerzimdi investitsiialar úshin qolaily jaǵdai jasaitynyn jetkizdi.
Sonymen qatar Roman Skliar Teńiz kenishinde oryn alǵan jáne óndiristiń ýaqytsha toqtap qalýyna ákep soqtyrǵan oqiǵalarǵa bailanysty alańdaýshylyq bildirdi.
«Shevron» basshylyǵy oqiǵalardyń saldaryn joiý jáne munai óndirýdi kezeń-kezeńimen arttyrý boiynsha qabyldanǵan sharalar týraly habardar etti. Sondai-aq «Shevron» basshylyǵy bolashaqta mundai jaǵdailarǵa jol bermeý jáne nysandardyń senimdi ári qaýipsiz jumysyn qamtamasyz etý boiynsha naqty is-qimyldar jasalatynyna senim bildirdi.
Budan bólek, geologiialyq barlaý jumystaryn damytý máseleleri talqylandy. «Shevron» kompaniiasy birqatar geologiialyq barlaý jobasyna qyzyǵýshylyq tanytatynyn málimdedi.
Kezdesý sońynda taraptar uzaqmerzimdi jáne ózara tiimdi yntymaqtastyqty odan ary damytýǵa beiildilikterin, sondai-aq ózara is-qimyldyń barlyq baǵyty boiynsha syndarly dialogke daiyn ekendikterin jetkizdi.
