QR Premer-Ministriniń birinshi orynbasary Roman Skliar Úkimet otyrysynan keiin BAQ ókilderine óz otstavkasy týraly pikir bildirdi, dep habarlaidy QazAqparat.
«Otstavkalar týraly áńgime jeke maǵan ǵana qatysty másele emes. Oilap qarasaq, áńgime elimizdiń bolashaǵy týraly bolyp otyr. Ne bolyp jatqanyn ózderińiz qarańyzdar. Keibir qaýymdastyqtardyń basshylary óz problemalarymen emes, avtomobil jáne aýyl sharýashylyǵy tehnikasyn qurastyrýmen ainalysyp júrgen syńai tanytyp júr. Erteń olar ózge saladan tabylýy múmkin», - dedi vitse-premer.
Condai-aq ol qoǵamdy ýtilizatsiialyq alym máselesinde popýlistik urandarǵa ermeýge úndedi.
«Túptiń túbinde olar óz isimen ainalysýy kerek qoi. Ózderin jaqsy jaǵynan tanytyp, túrli sandarmen, sózdermen qoǵamnyń pikirine sheber manipýliatsiia jasai alatyn saiasattanýshylar bar. Árine, bul olardyń jumysy shyǵar. Biraq nege biz ondaiǵa erýimiz kerek? Eger biz keleshekke senimmen bet alǵan bolsaq jáne ónerkásibi damyǵan el bolǵymyz kelse, popýlistik urandarǵa ermeýimiz kerek», - dedi Roman Skliar.
