Premer-Ministrdiń orynbasary Roman Skliar Berlin Eýraziialyq klýbynyń 29-shy otyrysynda nemis biznesi ókilderimen aýyl sharýashylyǵyndaǵy ekijaqty yntymaqtastyqty damytý jáne Qazaqstannyń AÓK salasyna german investitsiialaryn tartý máselelerin talqylady.
Bul týraly "Ult aqparat" Úkimettiń resmi saityna silteme jasap habarlaidy.
Beinekonferentsiia bailanysyna eki eldiń úkimet jáne isker toptarynyń 70-ten astam ókili qatysty.
Kezdesýge German ekonomikasy Shyǵys komiteti prezidiýmynyń tóraǵasy Oliver Germes, German ekonomikasy Shyǵys komitetiniń bas basqarýshy direktory Mihael Harms, Germaniia azyq-túlik jáne aýyl sharýashylyǵy federaldyq ministrliginiń Parlamenttik stats-hatshysy Ýve Failer jáne eki taraptyń salalyq ministrlikteriniń basshylyǵy qatysty.
Roman Skliar strategiialyq investorlarmen kúsheitilgen jumys – bul Prezident Qasym-Jomart Toqaev belgilegen basymdyq ekenin atap ótti. Bul rette Úkimet Germaniia biznesine elimizde birlesken jobalardy tabysty iske asyrý úshin qoldaý kórsetetinin atap ótti. Sonymen qatar azyq-túlik qaýipsizdigin qamtamasyz etý ózekti másele bola otyryp, aýyl sharýashylyǵynyń damýymen tikelei bailanysty.
Agro salasyndaǵy jobalardy júzege asyrý úshin Qazaqstan nemis investorlaryna jeke qoldaý sharalaryn usynýǵa daiyn. Osy maqsatta úkimettik jumys toby áreket etýde. Ol birlesken investitsiialyq jobalardy júzege asyrý úshin óz quzyreti sheginde jedel jumys isteýde.
Syrtqy ister ministriniń orynbasary Almas Aidarovtyń aitýynsha, AÓK investitsiia úshin tartymdy sektor. Bul saladaǵy áleýetti seriktesterge memlleket tarapynan sýbsidiialar, jeńildetilgen nesieler, arnaiy salyqtyq rejimder usynylady.
Óz kezeginde Oliver Germes Germaniia elimizben ózara is-qimyldy syrtqy ekonomikalyq qyzmettegi basym baǵyttardyń biri retinde qarastyratynyn jáne bul rette nemis biznesi yntymaqtastyqqa daiyn ekenin atap ótti. Óz kezeginde Ýve Failer agroónerkásip kesheniniń damýy men qazaqstandyq aýyl sharýashylyǵy ónimderiniń sapasyna oń baǵa berdi. Onyń aitýynsha, bul eki eldiń strategiialyq ózara is-qimylyn qoldaý úshin investitsiialyq tartymdylyqty qalyptastyrady.
