.jpg)
QR Premer-Ministriniń birinshi orynbasary Roman Skliar Qytaidyń Qazaqstan Respýblikasyndaǵy Elshisi Chjan Siaomen kezdesti. Bul týraly primeminister.kz saity habarlady.
Kezdesý barysynda ekijaqty yntymaqtastyq pen ózara is-qimyldyń ózekti máseleleri talqylandy.
Qazaqstandyq tarap Qytai naryǵyna organikalyq aýyl sharýashylyǵy ónimderin jetkizýge qyzyǵýshylyq tanytty. Taraptar «taza energiia», jasyl damý jáne IT-tehnologiialar salasyndaǵy jańa birlesken jobalardy júzege asyrýdaǵy aitarlyqtai áleýetti atap ótti.
Sondai-aq, eki el arasyndaǵy júk tasymaly men turaqty áýe qatynasynyń jaǵdaiy týraly jan-jaqty pikir almasý boldy.
R. Skliar Chjan Siaony kele jatqan Qytai Jańa jylymen, sondai-aq aǵymdaǵy jyldyń aqpan aiynda Beijińde ótetin XXIV qysqy Olimpiada oiyndarymen quttyqtap, osy aitýly sharanyń sátti ótýine tilektestik bildirdi.
Chjan Siao Qazaqstanmen yntymaqtastyq Qytaidyń syrtqy saiasatyndaǵy basym baǵyttardyń biri ekenin atap ótti. Qazaqstannyń jaqyn kórshisi jáne dosy bola otyryp, kez kelgen táýekelder men qiyndyqtarǵa qaramastan Qytai senimdi seriktes bolyp qala beretinin jáne qazaqstandyq tarapqa qajetti qoldaý men kómek kórsetýge daiyn ekenin aitty.
Eki el arasyndaǵy qarym-qatynas tyǵyz syndarly dialog pen ózara tiimdi yntymaqtastyqqa negizdelgen. BUU, ShYU, AÓSShK siiaqty halyqaralyq qurylymdar aiasynda eki el arasynda tyǵyz ózara is-qimyl jolǵa qoiylǵan.
Qazaqstan men Qytai arasyndaǵy 30 jyldan astam diplomatiialyq qarym-qatynas kezeńinde strategiialyq seriktestik jańa deńgeige kóterilip, barlyq shekaralyq máseleler túpkilikti rettelip, berik quqyqtyq baza quryldy.
Qytai Qazaqstannyń iri syrtqy saýda jáne investitsiialyq seriktesteriniń biri bolyp qala beredi, 2021 jyldyń 11 aiynda taýar ainalymy 17 mlrd dollardy quraǵan. Taraptar strategiialyq seriktestikti tolyq júzege asyra otyryp, eki memlekettiń halyqtarynyń igiligi úshin saýdany, investitsiiany jáne iri jobalardaǵy yntymaqtastyqty damytýdy jalǵastyrýda.
