QR Premer-Ministriniń birinshi orynbasary Roman Skliar qańtar oqiǵasy kezinde nuqsan kelgen nysandar qashan qalpyna keltiriletinin aitty, dep habarlaidy QazAqparat.
«Úkimet jergilikti atqarýshy organdarmen jáne uiymdarmen birlese otyryp, tártipsizdik kezinde zardap shekken memlekettik organdardyń nysandaryn qalpyna keltirý jáne kásipkerlik sýbektilerine keltirilgen zalaldy óteý boiynsha jumys júrgizýde.
Qańtar oqiǵasy kezinde elimizdiń 8 oblysynda memlekettik organdardyń 42 ǵimaraty zardap shekti. Bul Almaty, Shymkent, Jambyl, Qyzylorda, Atyraý, Aqtóbe jáne Shyǵys Qazaqstan oblystarynyń qalalary.
Keltirilgen shyǵynnyń jalpy somasy shamamen 30 mlrd teńgeni qurady. Onyń ishinde 28 mlrd teńge respýblikalyq biýdjetten 18 nysandy qalpyna keltirýge jumsaldy», - dedi Úkimet basshysynyń birinshi orynbasary.
Sondai-aq, ol búkil nysandarǵa tehnikalyq baiqaý júrgizilgenin atap ótti.
«Nátijesinde 28 aǵymdaǵy jóndeý, sondai-aq 14 ǵimaratqa kúrdeli jóndeý jáne qaita jaraqtaý qajet ekeni anyqtaldy.
Búgingi tańda 21 nysanda aǵymdaǵy jóndeý jumystary aiaqtaldy. Naýryz aiynyń sońyna deiin 5 ǵimaratqa, qalǵan 2 nysanǵa mamyr jáne maýsym ailarynda jóndeý jumystary júrgiziledi.
Kúrdeli jóndeý jáne qaita jaraqtaýdy qajet etetin 14 memlekettik nysan boiynsha jumystar júrgizilýde.
Kestege sáikes 7 ǵimarat boiynsha jumystar naýryz aiynda, 5 nysan boiynsha aǵymdaǵy jyldyń maýsym aiynda aiaqtalady», - dedi Romen Skliar.
