QR Premer-Ministriniń orynbasary Roman Skliardyń tóraǵalyǵymen 50-den astam nemis kompaniiasy basshylarynyń qatysqan beinekonferentsiia ótti, dep habarlaidy "Ult aqparat" primeminister.kz silteme jasap.
Is-sharaǵa eki eldiń elshileri, German ekonomikasy Shyǵys komitetiniń basqarýshy direktory M. Harms, Ortalyq Aziiadaǵy german ekonomikasy ókildiginiń basshysy H. Voskanian jáne QR salalyq ministrlikteri basshylarynyń orynbasarlary qatysty.
Roman Skliar COVID-19 pandemiiasyna bailanysty týyndaǵan qiyndyqtarǵa qaramastan, seriktestik qarym-qatynastardy saqtaǵany úshin biznesmenderge alǵysyn bildirip, ózara tiimdi yntymaqtastyqty odan ári damytýǵa senim bildirdi jáne Qazaqstan tarapynyń investorlarǵa tolyq qoldaý kórsetýge daiyn ekenin jetkizdi.
«Biz Prezidentimiz Qasym-Jomart Kemeluly Toqaev pen Germaniianyń Federaldyq kantsleri Angela Merkel hanymnyń deńgeiinde 2019 jyly qol jetkizilgen barlyq ýaǵdalastyqtardyń, sondai-aq 2020 jyldyń basynda qazaqstandyq delegatsiianyń Germaniiaǵa resmi saparlary barysynda qol jetkizilgen barlyq kelisimderdiń tolyq is júzine asatynyna senemiz», - dep atap ótti Roman Skliar biznesmendermen áńgimelesý barysynda.
Syrtqy ister ministriniń orynbasary A. Aidarov jalpy quny $3,7 mlrd bolatyn 51 birlesken investitsiialyq jobanyń oryndalý barysy týraly baiandady.
Óz kezeginde german biznesiniń ókilderi koronavirýs pandemiiasyna qaramastan, investitsiialaýdy jalǵastyrýdyń jáne Qazaqstanmen ekonomikalyq bailanystardy saqtaýdyń mańyzdylyǵyn atap ótti, sondai-aq investitsiialyq jobalardy qoldaýdyń teńdessiz sharalaryn negizge ala otyryp, kún tártibinde turǵan birlesken ózekti jobalardy aiaqtaýǵa senim bildirdi. Taraptar buǵan deiin qol jetkizilgen ýaǵdalastyqtardy tolyǵymen qoldaidy jáne investitsiialyq yntymaqtastyqty odan ári damyta bermek.
