Premer-Ministrdiń orynbasary Roman Skliar ákim Ǵali Esqalievpen birge Memleket basshysynyń Joldaýynyń iske asyrylý barysymen tanysty, onyń ishinde «Nurly jer» baǵdarlamasy sheńberinde strategiialyq jáne ónerkásiptik maqsattaǵy birqatar obektilerdi, salynyp jatqan áleýmettik nysandardy tekserdi. Barlyq qajetti jumystardyń sapaly oryndalýyn jáne ýaqytyly aiaqtalýyn qamtamasyz etý boiynsha mindetter júktedi.
Osylaisha, R. Skliar Oral qalasynyń soltústik-shyǵys bóliginde jańa shaǵyn aýdannyń salyný barysyn, sondai-aq Terekti aýdanynyń Tuqpai aýylyndaǵy alty páterli 20 turǵyn úidiń qurylysyn tekserdi. Bul obektiler «Nurly jer» baǵdarlamasy boiynsha salynýda, olardy aǵymdaǵy jyly aiaqtaý josparlanyp otyr.
«Batys sý arnasy» JShS aralaý barysynda sýmen qamtamasyz etý máseleleri qaraldy. Oblys ortalyǵynda qosymsha uńǵymalardy burǵylaý arqyly beriletin sý kólemin ulǵaitý josparlanýda, bul rette apattardyń aldyn alý maqsatynda qysym málimetterin berilgishter ornatylady.
Podstepnoe aýylynda buqaralyq sportty damytý barysy týraly baiandaldy. Aýdany 1000 sh.m. dene shynyqtyrý-saýyqtyrý kesheniniń qurylysy aǵymdaǵy jyldyń jeltoqsan aiynda aiaqtalady. Oblys boiynsha jalpy sany 26 DShS keshenin salý josparlanǵan. Búgingi tańda biýdjet jáne jeke investitsiia esebinen 14 keshen salyndy.
Úkimettik delegatsiia sonymen qatar «Zenit» Oral zaýyty» AQ, «Ýralskagroremmash» AQ, «Gidropribor» ǴZI, «Kýblei» JShS-inde boldy.
Sapar qorytyndysy boiynsha Roman Skliar óńir halqy úshin júrgizilip jatqan jumystardyń mańyzdylyǵyn atap ótip, oblys basshylyǵyna olardyń oryndalýyn pármendi baqylaýdy qamtamasyz etýdi tapsyrdy.
