Ýkrainalyq fýtbol mamany Roman Grigorchýk elordalyq «Astana» komandasynyń bas bapkeri qyzmetinen ketti, dep habarlaidy "Ult aqparat" klýbtyń saityna silteme jasap.
Roman Grigorchýk 2018-2019 jyldarda azdaǵan úzilispen «Astanaǵa» basshylyq etti. Byltyr onyń basshylyǵymen komanda Qazaqstan Premer-ligasynda chempion atanyp, Eýropa ligasy toptyq kezeńinde synǵa tústi.
R. Grigorchýk fýtbolshylyq ómirinde 1988-2000 jyldarda Ýkraina, Avstriia, Polsha, Resei, Latviia elderinde oiyn kórsetken. Al óziniń bapkerlik qyzmetinde ol Latviianyń «Dinabýrg», «Ventspils», Ýkrainanyń «Metallýrg» (Zaporoje), «Chernomorets» (Odessa), Ázerbaijannyń «Gabala» komandalaryna jetekshilik jasady.
Sondai-aq, klýbta bas bapkerdiń kómekshileri qyzmetin atqarǵan Mihail Savka, Anatolii Korotia jáne qaqpashylar bapkeri Andrei Glýshenko da «Astanadan» ketti.
Jańa bapkerdiń esimi jaqyn kúnderde belgili bolady.
